Osambo 86:1-17
Dɔmbɛlɔ dia Davidɛ.
86 Jehowa le, ohokɛ toyi diayɛ* ndo onkadimole,Nɛ dia dimi lekɔ ɔmɛnyi mfɔnu ndo ose wola.+
2 Olame lɔsɛnɔ* lami, nɛ dia dimi lekɔ la kɔlamelo.+
Oshimbee okambi ayɛ wayaɛkɛ le yɛ,Nɛ dia wɛ kele Nzambi kami.+
3 Jehowa le, omboke kɛtshi,+Nɛ dia dimi lekɔ lo kelɛ lushi l’otondo.+
4 Ɔngɛnyangɛnya okambi ayɛ,*Nɛ dia Jehowa le, le yɛ kamomokadimɔ.*
5 Nɛ dia Jehowa le, wɛ ekɔ ɔlɔlɔ+ ndo suke dia dimanyiya;+Wɛ ndola tɔɔ la ngandji ka kɔlamelo le wanɛ tshɛ wakelɛ.*+
6 Jehowa le, ohokame dɔmbɛlɔ diami;Ndo odje yimba lo ɔsɛngɔsɛngɔ wayangami ekimanyielo.+
7 Dimi kelɛka* lo lushi lemi l’asui,+Nɛ dia wɛ ayonkadimola.+
8 Jehowa le, ndooko jambizambi yɛdimi la yɛ,+Ndooko elimu wele oko wayɛ.+
9 Wedja tshɛ wakayasaleWayoya ndo wayokusama la ntondo kayɛ, wɛ Jehowa,+Ndo wayotombola lokombo layɛ.+
10 Nɛ dia wɛ ekɔ woke ndo wɛ salaka akambo wa diambo;+Wɛ oto kele Nzambi.+
11 Jehowa le, ombetsha mboka kayɛ.+
Dimi layɔkɛndakɛndaka lo mɛtɛ kayɛ.+
Osanganya otema ami* dia mboka lokombo layɛ wɔma.+
12 Jehowa Nzambi kami le, lambokotombola la otema ami tshɛ,+Ndo dimi layotombolaka lokombo layɛ pondjo pondjo,
13 Nɛ dia ngandji ka kɔlamelo kambokayɛ kekɔ efula,Ndo wɛ akashimbɛ lɔsɛnɔ* lami oma lo ɛhɔngɔ wa Diombo.*+
14 Nzambi le, akanga w’etako wambonɛɛ dia ndɔshami;+Olui w’akanga w’esehe wekɔ lo nyanga dia mbɔsa lɔsɛnɔ lami,*Ndo vɔ hawokɔlɛmiya.*+
15 Koko Jehowa le, wɛ ekɔ Nzambi ka kɛtshi ndo kokana kandji,*Kahoke nkɛlɛ esadi ndo koludi tɔɔ la ngandji ka kɔlamelo ndo la kɔlamelo.*+
16 Okadimɔ oya le mi ndo omboke kɛtshi.+
Osha okambi ayɛ wolo ayɛ,+Ndo oshimbee ɔna okambi ayɛ wa womoto.
17 Ɔmɛnya djembetelo y’ɔlɔlɔ ayɛ,Dia wanɛ wampetsha ndjiɛna ndo mbishama nsɔnyi.
Nɛ dia Jehowa le, wɛ kele okimanyedi ami ndo osambi ami.
Nɔtɛ ka l'ɛse ka dikatshi
^ Kana “onyame ndo ohokame.”
^ Kana “anima.”
^ Kana “anima w’okambi ayɛ.”
^ Kana “kamomonyiya anima ami.”
^ Kana “wakɔtɛndɛ.”
^ Kana “kɔtɛndɛka.”
^ Kana “Ombisha otema wahatɔnyi.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “anima.”
^ Kana “wekɔ lo nyanga anima ami.”
^ Kana “hawokodje la ntondo kawɔ.”
^ Kana “katɛtɛ solo.”
^ Kana “ndo la mɛtɛ.”
