Osambo 88:1-18
Osambo. Ngɛngu k’ana w’apami wa Kɔra.+ Le ɔnɔmbɔdi; lo yoho ya Mahalata,* wayembama lengɔnya. Maskilɛ* wa Hemana+ oseka Ɛzɛra.
88 Jehowa Nzambi ka panda kami+ le,Dimi kolelɛka la yanyi,Ndo l’otsho dimi ndjaaka la ntondo kayɛ.+
2 Etawɔ dia dɔmbɛlɔ diami nkoma le yɛ,+Ohokɛ toyi diayɛ* lo delo diayangami ekimanyielo.+
3 Nɛ dia anima* ami wambolola tɔɔ la mpokoso,+Ndo lɔsɛnɔ lami lambɛlɛ otsha lo Diombo.*+
4 Dimi lamboshila mbadiema l’atei wa wanɛ wataholɔ lo difuku;*+Dimi laya onto laha la okimanyedi,*+
5 Lambotshikala l’atei wa wanɛ wambovɔOko odo wetami lo diombo,Wele wɛ hayowohɔNdo wakakakitɔna la ekokelo* kayɛ.
6 Wɛ ambontambiya lo difuku dioleki ɔhɔngɔ,Lo ahole wa wodjima, lo shaka ya difuku diaha l’ekomelo.
7 Nkɛlɛ kayɛ kekɔ wotsho le mi,+Ndo wɛ ambonkukumɛ la asuku ayɛ wa wolo. (Sela)
8 Wɛ ambotshanya asekami etale mangana la mi;+Wɛ ambombetɛ ɛngɔ ka wɔnɔnyi le wɔ.
Dimi lambondama lo djonga ndo haakoke mpandɔ.
9 Washo ami wambelɔ l’ɔtɛ wa mfɔnu kami.+
Jehowa le, wɛ kalelɛmi lushi l’otondo;+Le yɛ kemɛmi anya ami.
10 Onde wɛ ayosalɛ edo akambo wa diambo?
Onde wanɛ wele bu la wolo lo nyɔi koka mbetɔ dia kotombola?+ (Sela)
11 Onde ngandji kayɛ ka kɔlamelo kayewoyama lo diombo,Kɔlamelo yayɛ lo dihole di’elanyelo?*
12 Onde akambo ayɛ wa diambo wayeyama lo wodjimaKana losembwe layɛ lo wodja wa dioha?+
13 Koko Jehowa le, dimi lekɔ lo ntetemala kolelɛ dia nyanga ekimanyielo,+Pindju tshɛ dɔmbɛlɔ diami komaka la ntondo kayɛ.+
14 Jehowa le, lande na kamboyombikasha?*+
Lande na kashɛyɛ elungi kayɛ oma le mi?+
15 Oma ko dikɛnda diami,Dimi lekɔ lo mɛna mfɔnu ndo lekɔ suke dia ndanyema;+Dimi lambɔkɔmɔ la akambo wa mamba wetawɔyɛ dimi diɛnɛ la wɔ.
16 Nkɛlɛ kayɛ kadɔdɔ kukumɛkami;+Wɔma ayɛ ndanyakami.
17 Vɔ wambonyinga oko ashi lushi l’otondo;Vɔ wambonkukumɛ oma lo wedi akɔ tshɛ.*
18 Wɛ ambotshanya angɛnyi ami ndo asekami etale mangana la mi;+Wodjima kaya ɔngɛnyi ami.
Nɔtɛ ka l'ɛse ka dikatshi
^ Enda Elembetshielo.
^ Enda Elembetshielo.
^ Kana “Onyame ndo ohokame.”
^ Enda Elembetshielo.
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “oko onto laha la wolo.”
^ Kana “diombo.”
^ Tshɛk., “lonya.”
^ Kana “lo Abadɔna.”
^ Kana “kamboyokasha anima ami.”
^ Kana ondo “mbala kakɔ ɔtɔi lo pondjo.”
