Osambo 92:1-15
Ngɛngu. Osambo wa lushi la Sabato.
92 Ekɔ ɔlɔlɔ mbisha Jehowa losaka+Ndo membɛ lokombo layɛ esambo wa lotombo,* wɛ Ɔnɛ-Laheme-Tshɛ,
2 Dia mbewoya ngandji kayɛ ka kɔlamelo+ la pindju,Ndo kɔlamelo yayɛ l’otsho,
3 Kaamɛ la ehomahoma k’eshinga 10 ndo la ngidalɛ,La wendjo wa mishiki wa lɔsɛsɛ.+
4 Nɛ dia wɛ akangɛnyangɛnya l’ɔtɛ w’etsha ayɛ, wɛ Je howa;L’ɔtɛ wa elimu w’anya ayɛ, kadami ekoko w’ɔngɛnɔngɛnɔ.
5 Jehowa le, ande elimu ayɛ weke lee!+
Ande tokanyi tayɛ ɛhɔngɔ efula lee!+
6 Ndooko onto lele bu la yimba lakoka tieya;Ndo ndooko kanga enginya lakoka nshihodia dui nɛ:+
7 Etena katomba akanga wa kɔlɔ oko adiyoNdo kangɔna atshi wa kɔlɔ tshɛ,Ele dia vɔ ndanyema pondjo pondjo.+
8 Koko Jehowa le, wɛ ambodiyama pondjo pondjo.
9 Jehowa le, enda ɔkwɛlɔ w’atunyi ayɛ,Enda woho wayolanyema atunyi ayɛ;Atshi wa kɔlɔ tshɛ wayohandjɔ vwa.+
10 Koko wɛ ayodiya wolo* ami oko wa ndjate,Dimi layɔlɔya lokoho lami la esɔ katutadia.+
11 Washo ami wayenda woho wayodjama andɔshi ami otshumba;+Atoyi ami wayoka ɔkwɛlɔ w’anto wa kɔlɔ wandɔsha.
12 Koko anto w’ɛlɔlɔ wayofukanɛ oko tokoNdo wayonuna oko olondo wa la Lɛbanɔna.+
13 Vɔ monɛma lo luudu la Jehowa;Vɔ wekɔ lo fukanɛ lo asɛkɛ wa Nzambi kaso.+
14 Kaanga lo esombe awɔ,* vɔ wayoyalaka l’alemba w’amɛna;+Vɔ wayotshikalaka la wolo* ndo l’alemba w’ashashi,+
15 Wata dia Jehowa ekɔ osembɔki.
Nde kele Dive+ diami, dui diele keema la losembwe hadiotanema le nde.
Nɔtɛ ka l'ɛse ka dikatshi
^ Kana “mpoma mishiki.”
^ Tshɛk., “loseke.”
^ Kana “etena kayowonga la ndjwe l’ɛtɛ.”
^ Tshɛk., “woke.”
