Osambo 94:1-23
94 Jehowa Nzambi katɔsɔmbɔyaka le,+Nzambi katɔsɔmbɔyaka le, ɔhɛtɛ ngaingai!
2 Shushi ya nkɛtɛ+ le, onɛɛ.
Ofute akanga w’etako kɛnɛ kahombawɔ nongola.+
3 Jehowa le, polo l’etena kakɔna kayotetemala akanga wa kɔlɔ,Polo l’etena kakɔna kayotetemala akanga wa kɔlɔ ngɛnangɛna?+
4 Vɔ tshɔbɔlaka ndo tɛkɛtaka la lotamanya tshɛ;Atshi wa kɔlɔ tshɛ wekɔ lo ndjafuna.
5 Jehowa le, vɔ minolaka anto ayɛ,+Ndo vɔ pɛnyahɛnyaka etenyi kayɛ k’okitɔ.
6 Vɔ ndjakaka wadi aki odo ndo ɔngɛndangɛnda,Ndo vɔ ndjakaka ana wa tshike.
7 Vɔ mbutaka vate: “Jah hɛnyi;+Nzambi ka Jakɔbɔ hadje yimba lo dui sɔ.”+
8 Nyu wanɛ waha la yimba, nyoshihodia dui sɔ;Nyu akanga wa dinginya, etena kakɔna kayonyonga la shɛnɔdi?+
9 Onde Ɔnɛ lakasale* toyi hakoke mboka?
Onde Ɔnɛ lakakenge sso hakoke mɛna?+
10 Onde Ɔnɛ langola wedja hakoke mbisha dilanya?+
Nde kele Ɔnɛ lasha anto ewo!+
11 Jehowa mbeyaka tokanyi t’anto,Dia tɔ tekɔ paka loowe loto.+
12 Ɔngɛnɔngɛnɔ le onto langolayɛ, wɛ Jah,+Ɔnɛ letshayɛ ɛlɛmbɛ ayɛ,+
13 Dia mbosha wɔladi lo nshi ya mpokoso,Edja ndo difuku diambotshimama dikambo dia kanga kɔlɔ.+
14 Nɛ dia Jehowa hatotshika anto ande,+Kana nsɛka etenyi kande k’okitɔ.+
15 Nɛ dia elombwelo kayonga ka losembwe nto,Ndo wanɛ tshɛ wele la losembwe l’etema wayokiyela.
16 Akɔna ayonɛɛ dia ndwɛmi la akanga wa kɔlɔ?
Akɔna ayemala dia ndwɛmi la atshi wa kɔlɔ?
17 Otondonga Jehowa hongi okimanyedi ami,Tshike dimi* lotolanyema* esadi eto.+
18 Lam’akamate nte: “Lokolo lami lambɔsɛlɔ,”
Jehowa le, ngandji kayɛ ka kɔlamelo kakatetemala sukɛmi.+
19 Etena kakamamɛnama* la ekiyanu,*Wɛ akansambe ndo akambɔladia.*+
20 Onde kiti ka lowandji* ka kɔlɔ kokaka monga kaamɛ la yɛEtena kakongɛtɔ awui wa kɔlɔ lo nkamba la ɛlɛmbɛ?*+
21 La ngala tshɛ, vɔ ndɔshaka onto ɔlɔlɔ*+Ndo fundɛka onto laha la onongo nyɔi.*+
22 Koko Jehowa ayoyala eshamelo k’oshika le mi,Nzambi kami kele dive diami di’eshamelo.+
23 Nde ayokaloya etsha awɔ wa kɔlɔ le wɔ.+
Nde ayowalanya* lo nkamba la kɔlɔ kawɔ hita.
Jehowa Nzambi kaso ayowalanya.*+
Nɔtɛ ka l'ɛse ka dikatshi
^ Tshɛk., “lakonɛ.”
^ Tshɛk., “lotodjasɛ lɛnɛ ahawatɛkɛta.”
^ Kana “anima ami.”
^ Kana “kakiwɔ efula l’etei kami.”
^ Kana “tokanyi tatshindja yimba.”
^ Kana “Esambelo kayɛ kakɔladia anima ami.”
^ Kana “emboledi; toshushi.”
^ Kana “oma lo didjango.”
^ Tshɛk., “Dikila di’onto laha l’onongo, vɔ diɛndjaka onongo (kɔlɔ).”
^ Kana “anima w’onto ɔlɔlɔ.”
^ Tshɛk., “ayowalɛmbɔhaya.”
^ Tshɛk., “ayowalɛmbɔhaya.”
