Osambo 96:1-13
96 Nyembee Jehowa osambo w’oyoyo.+
Nyembee Jehowa, nyu nkɛtɛ k’otondo!+
2 Nyembee Jehowa; nyotombole lokombo lande.
Nyewoyake lokumu l’ɔlɔlɔ la panda kande lushi la lushi.+
3 Nyosanya lotombo lande l’atei wa wedja,Akambo ande wa diambo l’atei w’anto tshɛ.+
4 Jehowa ekɔ woke ndo nde kaleka nsungana tombɔma.
Nde ndeka tozambizambi tokina tshɛ mbokama wɔma.
5 Tozambizambi tshɛ t’anto tekɔ tozambizambi t’anyanya,+Koko Jehowa kakasale olongo.+
6 Lalende kele lɔnɛnɛ* ndo lotombo;+Wolo ndo olangala wekɔ lo tɛmpɛlɔ kande k’ekila.+
7 Nyosha Jehowa kɛnɛ kahombande nongola, nyu nkumbo y’anto,Nyosha Jehowa kɛnɛ kahombande nongola l’ɔtɛ wa lotombo ndo wolo+ ande.
8 Nyosha Jehowa lotombo lɛdimi la lokombo lande;+Nyela woshasha kele nyɔtɔ lo asɛkɛ ande.
9 Nyokusamee* Jehowa, nyele la dɛngalɛnga di’ekila;*Nyodidime la ntondo kande, nyu nkɛtɛ k’otondo!
10 Nyewoya l’atei wa wedja nyate: “Jehowa aya Nkumekanga!+
Nkɛtɛ* nshikimala nge; yɔ hayokoke nsukasuka.*
Nde ayolombosha* anto la losembwe.”+
11 Olongo wangɛnɛngɛnɛ, ndo nkɛtɛ konge l’ɔngɛnɔ ngɛnɔ;Ndjale kakungole ndo kɛnɛ tshɛ koludi lɔkɔ;+
12 Eswe ndo kɛnɛ tshɛ kele lɔkɔ kangɛnɛngɛnɛ.+
L’etena kakɔ kaamɛ, esongo tshɛ wa l’okonda wade ekoko w’ɔngɛnɔ ngɛnɔ+
13 La ntondo ka Jehowa, nɛ dia nde oyaye,*Nde oyaye dia ndjolombosha nkɛtɛ.
Nde ayolombosha nkɛtɛ k’otondo* la losembwe+Ndo anto la kɔlamelo+ yande.
Nɔtɛ ka l'ɛse ka dikatshi
^ Kana “kɛnɛmɔ.”
^ Kana ondo “l’ɔtɛ wa lotombo l’ekila kande.”
^ Kana “Nyɔtɛmɔlɛ.”
^ Kana “Nkɛtɛ yangɔnya diangɔ.”
^ Kana “ndjɛkayɛka.”
^ Kana “ayosamba dikambo dia.”
^ Kana “amboya.”
^ Kana “nkɛtɛ yangɔnya diangɔ.”