Osambo 97:1-12
97 Jehowa aya Nkumekanga!+
Nkɛtɛ konge l’ɔngɛnɔngɛnɔ.+
Asɛnga w’efula wangɛnɛngɛnɛ.+
2 Wange ndo wodjima wa tshududu mbodinga;+Losembwe ndo sambo k’ɔlɔlɔ mbele etshina ka kiti kande ka lowandji.+
3 Dja yekɔ lo ntomba la ntondo kande+Ndo yekɔ lo ntshumba andɔshi ande lo wedi tshɛ.+
4 Angadimu ande wekɔ lo pɛtshɛɛ andja osase;Nkɛtɛ yekɔ lo mɛna dui sɔ ndo yekɔ lo nsaka lokomba.+
5 Akona wakalɛlɔ oko wata la ntondo ka Jehowa,+La ntondo ka Nkumadiɔndjɔ ka nkɛtɛ k’otondo.
6 Olongo mbewoyaka losembwe lande,Ndo anto tshɛ mɛnaka lotombo lande.+
7 Wanɛ tshɛ wakambɛ woho tshɛ w’ekishi washame nsɔnyi,+Wanɛ wafuna l’ɔtɛ wa tozambizambi t’anyanya.+
Nyu tozambizambi tshɛ, nyookusamee.*+
8 Siɔna le, hokamɛ ndo ngɛnangɛna;+Tosombasomba* ta la Juda tekɔ lo ngɛnangɛnaL’ɔtɛ wa dombwelo diayɛ, wɛ Jehowa.+
9 Nɛ dia Jehowa le, wɛ kele Ɔnɛ-Laheme-Tshɛ lo nkɛtɛ k’otondo;Wɛ ambodiyama etale la diko dia tozambizambi tokina tshɛ.+
10 Nyu wanɛ walanga Jehowa, nyohetsha kɛnɛ kele kɔlɔ.+
Nde namaka nsɛnɔ* y’ekambi ande wa kɔlamelo;+Nde mbatshaka oma lo anya* w’akanga wa kɔlɔ.+
11 Osase wakahɛtɛɛ anto w’ɛlɔlɔ+Ndo ɔngɛnɔngɛnɔ le wanɛ wele la etema wosembwe.
12 Nyɔngɛnɛngɛnɛ le Jehowa, nyu anto w’ɛlɔlɔ,Ndo nyosha lokombo* lande l’ekila losaka.
Nɔtɛ ka l'ɛse ka dikatshi
^ Kana “nyɔɔtɛmɔlɛ.”
^ Tshɛk., “Ana wa wamato.”
^ Kana “anima.”
^ Kana “wolo.”
^ Tshɛk., “eohwelo.”
