Osambo 98:1-9
-
Jehowa, Oshimbedi ndo Shushi y’ɔlɔlɔ
-
Panda ka Jehowa kambeyama (2, 3)
-
Ngɛngu.
98 Nyembee Jehowa osambo w’oyoyo,+Nɛ dia nde akasale akambo wa diambo.+
Lonya lande l’omi, lonya lande l’ekila lakela panda.*+
2 Jehowa akeyanya panda+ kande;Nde akashola losembwe lande la ntondo ka wedja.+
3 Nde akohɔ ngandji kande ka kɔlamelo ndo kɔlamelo yande le luudu l’Isariyɛlɛ.+
Tokoma tshɛ ta nkɛtɛ takɛnyi panda k’oma le Nzambi kaso.*+
4 Nyodee Jehowa ekoko w’otshumba, nyu nkɛtɛ k’otondo.
Nyonge l’ɔlɔ, nyode ekoko w’ɔngɛnɔngɛnɔ ndo nyembe esambo wa lotombo.*+
5 Nyembee Jehowa esambo wa lotombo* la lɔsɛsɛ,Ɛɛ, la lɔsɛsɛ ndo la osambo wa ngɛngu.
6 La amama ndo la wondjo wa wɔɔndjɔ,+Nyode ekoko w’otshumba la ntondo ka Nkumekanga, Jehowa.
7 Ndjale kakungole ndo kɛnɛ tshɛ koludi lɔkɔ,Nkɛtɛ* ndo wanɛ wodjashi lɔkɔ.
8 Ɛkɛdi wade nsaka;Akona wade ekoko w’ɔngɛnɔngɛnɔ kaamɛ+
9 La ntondo ka Jehowa, nɛ dia nde ekɔ lo ndjaye* ndjolombosha nkɛtɛ.
Nde ayolombosha nkɛtɛ k’otondo* la losembwe+Ndo anto la sambo k’ɔlɔlɔ.+
Nɔtɛ ka l'ɛse ka dikatshi
^ Kana “akawosha otshumba.”
^ Kana “otshumba wa Nzambi kaso.”
^ Kana “nyohome mishiki.”
^ Kana “Nyohome mishiki.”
^ Kana “Nkɛtɛ yangɔnya diangɔ.”
^ Kana “amboya.”
^ Kana “nkɛtɛ yangɔnya diangɔ.”
