Etsha 1:1-26
1 Teɔfilɛ le, lo dibuku dia ntondo, dimi lakafunde akambo tshɛ wakasale Yeso ndo wakandetsha+
2 polo lushi lakandɔsama l’olongo+ l’ɔkɔngɔ wa nde mbisha apɔstɔlɔ wakandasɔnɛ+ alako lo tshimbo ya nyuma k’ekila.
3 L’ɔkɔngɔ wa nde soyama, nde akayaɛnya le wɔ la tolembetelo efula t’eshika+ dia nde aya la lɔsɛnɔ. Vɔ wakawɛnyi l’edja ka nshi 40 ndo nde akatɛkɛtaka akambo wendana la Diolelo dia Nzambi.+
4 Lam’akandasangana la wɔ, nde akawadjangɛ ate: “Tanyomɔke oma la Jɛrusalɛma.+ Nyotetemale nkonga kɛnɛ kakalake Papa+ kakanyoke oma le mi,
5 nɛ dia lo mɛtɛ, Joani akabatizaka anto l’ashi, koko hateta nshi efula, nyu nyayobatizama la nyuma k’ekila.”+
6 Lam’akawasangana, vɔ wakawombola vate: “Nkumadiɔndjɔ, onde wɛ ayanga mbololɛ Isariyɛlɛ diolelo l’etena kɛnɛ?”+
7 Nde akawatɛ ate: “Bu ohomba dia nyu mbeya tena kana deko diakakitsha Papa lo wolo*+ ande hita.
8 Koko nyu nyayolongola wolo lam’ayoya nyuma k’ekila le nyu+ ndo nyayoyala ɛmɛnyi+ ami la Jɛrusalɛma,+ lo Judeya y’otondo, la Samariya+ polo ndo l’ahole woleki etale* wa lo nkɛtɛ.”+
9 L’ɔkɔngɔ wa nde mbuta akambo asɔ, etena kakawawendaka, nde akɔsama otsha l’olongo ndo dinge diakawofɛ, ko vɔ kokoka mbɛɛna nto.+
10 Lam’akawendaka l’olongo, etena kakandatatshɔka, mbala kakɔ ɔtɔi apami 2 wakalɔtɛ ahɔndɔ wa wɛma+ wakemala suke la wɔ
11 ndo wakawatɛ vate: “Apami w’ase Ngalileya le, lande na kendanyu otsha l’olongo? Yeso lambɔsama oma l’atei anyu otsha l’olongo ayoya woho wawɛnanyu atatshu otsha l’olongo.”
12 Ko vɔ wakakalola oya la Jɛrusalɛma+ oma lo dikona diakawelɛka ɔnɛ Dikona di’esongo w’Ɔlivɛ diaki suke la Jɛrusalɛma, etale ka lɔkɛndɔ la lushi 1 la sabato.
13 Lam’akawakome, vɔ wakadɛ lo luudu la la diko lɛnɛ akawadjasɛka. Petero, Joani, Jakɔba, Andɛlɛ, Filipɛ, Tɔma, Bartɛlɛmi, Mateo, Jakɔba ɔna Alafayo, Simɔna kanga ohetoheto ndo Judasɛ ɔna Jakɔba mbaki laawɔ.+
14 Vɔ tshɛ wakatetemalaka nɔmba la oyango waamɛ kaamɛ la wamato amɔtshi+ ndo Mariya wa nyango Yeso la anango Yeso.+
15 Lo nshi shɔ, Petero akemala l’atei w’anango (wakasangana waki lofulo* l’anto oko 120) ko akate ate:
16 “Analengo, aki ohomba dia ɛtɛkɛta wa l’afundelo kotshama, ɛtɛkɛta wakatatshi nyuma k’ekila lo tshimbo ya Davidɛ dikambo dia Judasɛ,+ ɔnɛ lakayɔlɔmbɔla wanɛ wakaye ndjonda Yeso.+
17 Nɛ dia nde aki ɔmɔtshi la l’atei aso+ ndo nde akasha lonya l’olimu ɔnɛ.
18 (Ɔnkɔnɛ, pami kɛsɔ akasombe ekambɔ la difuto dia kɔlɔ+ ndo nde akakɔ etshuletshule, ko dikundju diande diakafɔ* ndo ɛsɔhi ande tshɛ wakatombe.+
19 Ase Jɛrusalɛma tshɛ wakeye dui sɔ, diakɔ diele ekambɔ kakɔ kakelamɛka l’ɔtɛkɛta awɔ ɔnɛ Akɛldama, kitshimudi ate: “Ekambɔ ka dikila.”)
20 Nɛ dia akafundama lo dibuku di’Esambo ɔnɛ: ‘Dihole diodjashinde diatshikale tɔngɔ to ndo onto atodjasɛke lɛkɔ,’+ ndo ɔnɛ: ‘Onto okina onge lo dihole diande di’omendji.’+
21 Ɔnkɔnɛ, ekɔ ohomba dia anto wakasanganaka kaamɛ la so etena tshɛ kakasalaka Nkumadiɔndjɔ Yeso elimu* ande l’atei aso,
22 ntatɛ lam’akoobatiza Joani+ polo ndo lushi lakandɔsama oma l’atei aso,+ ɔmɔtshi oma l’atei w’anto asɔ ayale ɔmɛnyi kaamɛ la so wa eolwelo kande.”+
23 Ɔnkɔnɛ vɔ wakatondja anto 2, Yɔsɛfu lakawelɛka Barasaba lakawelɛka nto ɔnɛ Jusito ndo Matiyasɛ.
24 Ko vɔ wakalɔmbɛ, wata vate: “Jehowa* le, wɛ keya etema w’anto tshɛ,+ otɛnya ɔnɛ lamboyɔsɔna l’atei w’apami 2 anɛ
25 dia nde nkamba olimu ɔnɛ ndo olimu w’ɔpɔstɔlɔ wakatshike Judasɛ ko nde ntshɔ lo dihole diande.”+
26 Vɔ wakoke owale lo dikambo diawɔ+ ndo owale wakande Matiyasɛ, ko nde akɔtɔ* l’ɔnɔngɔ w’apɔstɔlɔ 11.
Nɔtɛ ka l'ɛse ka dikatshi
^ Kana “lowandji.”
^ Kana “polo lo tokoma.”
^ Kana “olui.”
^ Kana “dikundju diande diakafɔ l’atei.”
^ Tshɛk., “kakandɔtɔka ndo kakandatombaka.”
^ Kana “akeyama,” mbuta ate akɔsama oko apɔstɔlɔ akina 11.
