Habakuka 2:1-20
2 Dimi layotetemala memala+ lo dihole diami dia djamu,Ndo dimi layotetemala memala lo dihole di’eshamelo.
Dimi layɔsɛnaka dia menda kɛnɛ kayondota lo tshimbo yamiNdo kɛnɛ kayomokadimola etena kayowopangwɛ.
2 Ko Jehowa akankadimola ate:
“Funda ɛnɛlɔ kɛnɛ, ndo fundatɔ dimɛna lo pase,+Dia ɔnɛ ladia kɛnɛ kele lɔkɔ la dui dia wolo nsala dui sɔ aha la okakatanu.*+
3 Nɛ dia ɛnɛlɔ kekɔ dikambo dia etena kakashikikɛma,Tɔ kekɔ lo tatshu otsha lo ekomelo* katɔ, ndo tɔ hatota kashi.
Oyadi tɔ kayotshimbatshimba,* tetemala kikongɛɛ!*+
Nɛ dia tɔ kayokotshama ndooko onyake.
Tɔ hatotshimbatshimba!
4 Enda kanga otako;*Nde bu osembɔki l’etei kande.
Koko onto ɔlɔlɔ ayɔsɛna oma lo kɔlamelo*+ yande.
5 Lam’ele wanu wekɔ lokeso,Kanga otako hatokotsha oyango ande.
Nde mbetɛka nsaki kande ka ndɛ* otale oko Diombo;*Nde ekɔ oko nyɔi ndo hakoke ndota.
Nde tetemalaka ntshumanya wedja tshɛNdo sanganyaka anto+ tshɛ dikambo diande.
6 Onde vɔ tshɛ hawotoka tokedi, ɛkɛla ndo ɛtɛkɛta wa didjidji lo dikambo diande?+
Vɔ wayota ɔnɛ:
‘Mananu le ɔnɛ layatshumanyiyɛ kɛnɛ kele bu kandeNdo ɔnɛ layafudiyɛ dibasa diande hita!Polo l’etena kakɔna?
7 Onde wanɛ wokokole hawotoya la shashimoya?
Vɔ wayonɛɛ ko wayokosokola la ngala tshɛ,Ndo wɛ ayonga ɛngɔ ka dimbo+ le wɔ.
8 Lam’ele wɛ akambe wedja efula,Wɛ ayonga ɛngɔ ka dimbo le anto akina tshɛ,+Nɛ dia wɛ akakɛdia dikila di’antoNdo wɛ akasale awui wa ngala la nkɛtɛ,Le esomba ndo wanɛ wodjashi lɔkɔ.+
9 Mananu le ɔnɛ lakondja wahɔ wa kɔlɔ dikambo dia luudu lande,Dia nsala kefu yande la diko,Dia mpandɔ oma lo anya wa mpokoso!
10 Wɛ akakongɛ dui dia nsɔnyi dikambo dia luudu layɛ.
Lo nshila anto efula oshiki, wɛ amboyasalɛ*+ pɛkato.
11 Nɛ dia dive diayoda ekoko oma l’ehele,Ndo oma lo osembe wa nsambe, ɛkɔhɔ kayodikadimola.
12 Mananu le ɔnɛ laka osomba la ɛkɛdiɛlɔ ka dikila,Ndo lashikikɛ shombasomba lo awui wa kɔlɔ!
13 Eenda, onde aha oma le Jehowa kanga lolembelembe mbayokamba anto wolo dia ndesha dja,Ndo mbayalɛndja wedja ɔlɛndjalɛndja?+
14 Nɛ dia nkɛtɛ kayolola la ewo ka lotombo la JehowaOko watokombaka ashi ndjale.+
15 Mananu le ɔnɛ lasha asekande ɛngɔ ka nnɔ,Lakotsha odudu ndo nkɛlɛ lɔkɔ dia mbadjoya,La oyango wa menda otakataka awɔ!
16 Wɛ ayonga la nsɔnyi k’efula lo dihole dia lotombo.
Wɛ lawɔ, nɔka ndo ɛnya lo sɛkɛ dia wɛ kominya mpota.*
Dikɔhɔ diele lo lonya l’omi la Jehowa diayokalola le yɛ,+Ndo diɔnyɔ diayokomba lotombo layɛ;
17 Nɛ dia akambo wa ngala wakayasalɛ Lɛbanɔna wayokokomba,Ndo elanyelo kasha waa nyama wɔma kayoya le yɛ,L’ɔtɛ wakɛdiayɛ dikila di’antoNdo akambo ayɛ wa ngala la nkɛtɛ,Lo wedja ndo wanɛ wodjashi lɔkɔ.+
18 Wahɔ akɔna wele la ekishiEtena kakakisɛlɛ ɔsɛdi atɔ?
Wahɔ akɔna wele la lohingu la lowolo ndo ombetsha w’awui wa kashi,Kaanga mbayaɛkɛ ɔnɛ lakalisale le lɔ,Lo nsala tozambizambi t’anyanya tahatɛkɛta?+
19 Mananu le ɔnɛ latɛ etenyi k’osongo ate: “Emɔ!”
Kana dive diahatɛkɛta ɔnɛ: “Emala! Otetsha!”
Eenda, tɔ kitama paonyi ndo mfɛsa,+Ndo ndooko kaanga yema ya lomu l’etei katɔ.+
20 Koko Jehowa ekɔ lo tɛmpɛlɔ+ kande k’ekila.
Nkɛtɛ+ k’otondo katshikale ki la ntondo kande!’”
Nɔtɛ ka l'ɛse ka dikatshi
^ Kana “nsala dui sɔ dimɛna efula.”
^ Kana “ekotshamelo.”
^ Kana “ambɛnama dia tɔ kambotshimbatshimba.”
^ Kana “kongɛɛtɔ l’asolo walomɔlomɔ!”
^ Kana “Eenda, anima ande wamboda.”
^ Kana ondo “mbetawɔ; dietawɔ.”
^ Kana “anima.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “ambosalɛ anima ayɛ.”
^ Kana ondo “ndo tshingatshinga.”
