Isaya 12:1-6
12 Lushi lɔsɔ, lo mɛtɛ wɛ ayota wate:
“Dimi lambokosha losaka, wɛ Jehowa,Nɛ dia kaanga mbele wɛ akamomalɛ,Nkɛlɛ kayɛ kakakitakita yema yema ndo wɛ akansambe.+
2 Eenda, Nzambi kele panda kami.+
Dimi layoyaɛkɛ le nde ko hantoka ndooko wɔma;+Nɛ dia Jah* Jehowa kele wolo ami ndo nkudu kami,Ndo nde kaya panda kami.”+
3 La ɔngɛnɔngɛnɔ tshɛ, nyu nyayotahola ashiOma lo tɛkɔ dia panda.+
4 Lushi lɔsɔ, nyu nyayota nyate:
“Nyosha Jehowa losaka, nyeele* lokombo lande,Nyewoya anto etsha ande!+
Nyote ɔnɛ lokombo lande lambodiyama.+
5 Nyembee Jehowa esambo wa lotombo,*+ nɛ dia nde ambosala akambo wa diambo.+
Nyewoya dui sɔ lo nkɛtɛ k’otondo.
6 Nyohangɔhangɔ ndo nyode ekoko w’ɔngɛnɔngɛnɔ, nyu ase* Siɔna,Nɛ dia l’Ekila la Isariyɛlɛ lele l’atei anyu ekɔ woke.”
Nɔtɛ ka l'ɛse ka dikatshi
^ “Jah” ekɔ lokombo Jehowa lo hiembola.
^ Kana “nyɔtɛndɛɛ.”
^ Kana “Nyohome mishiki.”
^ Tshɛk., “ose,” lo ntɛkɛta dikambo dia anto lo tshɛ kawɔ oko womoto ɔtɔi.