Isaya 15:1-9
-
Ɛtɛkɛta wendana la Mɔaba (1-9)
15 Ɛtɛkɛta wendana la Mɔaba+ ɛnɛ:
Lam’ele tɔ kambohandjɔ l’otsho ɔtɔi,Arɛ+ ka la Mɔaba kambodihama onyɔ.
Lam’ele tɔ kambohandjɔ l’otsho ɔtɔi,Kirɛ+ ka la Mɔaba kambodihama onyɔ.
2 Nde ambodɛ otsha lo Luudu* ndo otsha lo Dibɔna,+Otsha lo ahole wa la diko dia tolela.
Mɔaba ambolela Nɛbɔ+ ndo Mɛdɛba.+
Ɔtɛ tshɛ wambonyɛma hiɔlɔ+ ndo ndɛdu tshɛ yambonyɛma.+
3 Vɔ wambɔlɔta akoto lo toshinga tayɔ.
Vɔ tshɛ wekɔ lo ndela lo ɛtɛ wa mvudu yawɔ ndo lo asanga awɔ;Vɔ wamboholɔ watalele.+
4 Hɛshibɔna la Elealɛ+ wamboda ekoko;Dui diawɔ diambokɛma polo la Jahaza.+
Diakɔ diele apami w’ase Mɔaba wele la dihomɔ dia ta wekɔ lo mbida ekoko.
Nde* ekɔ lo didima.
5 Otema ami wambolela Mɔaba.
Ase dawo wa lɔkɔ wambolawɔ polo la Zɔara+ ndo la Engalata-Shelishiya.+
Vɔ wekɔ lo talele lam’atawadɛ lo wodelo wa Luhita;Lo mboka k’otsha la Hɔrɔnayima, vɔ wekɔ lo talele l’ɔtɛ wa mpokoso.+
6 Nɛ dia ashi wa Nimirimɛ wambolanyema;Adiyo w’ashi wa djɛsɛ wamboma,Adiyo waya bu ndo ndooko ɛngɔ k’ashi wa djɛsɛ kekekɔ.
7 Diakɔ diatawɛmbɛ kɛnɛ kambotshikala oma lo apɛngɛ awɔ ndo ɛngɔnyi awɔ;Vɔ wekɔ lo tatenyanya okidi w’eduwola.
8 Nɛ dia ekoko wambokɛ lo ɛtshi ka nkɛtɛ ka Mɔaba k’otondo.+
Delo diambokoma polo la Engalayima;Delo diambokoma polo la Bɛrɛ-Elima.
9 Nɛ dia ashi wa Dimɔna wambolola tɔɔ la dikila,Ndo dimi leke la diangɔ efula diombemi Dimɔna:
Ntambwɛ dikambo dia ase Mɔaba wahandɔNdo dikambo dia wanɛ watshikala lo wodja.+