Isaya 40:1-31
40 “Nyosambe, nyosambe anto ami,” mbata Nzambi kanyu.+
2 “Nyɔtɛkɛtɛ lo otema wa* Jɛrusalɛma,Ndo nyoyiewoya dia olimu w’ɔsɔlayi wambokotshama,Dia onongo ayɔ wambofutama.+
Oma lo lonya la Jehowa mbakayalongola oshinga tshɛ* wa pɛkato yayɔ tshɛ.”+
3 Onto ɔmɔtshi ekɔ lo mbida ombeka l’oswe ɔnɛ:
“Nyɔmbɛɛ* mboka ka Jehowa!+
Nyosembole ɔsɛsɛ+ l’oswe dikambo dia Nzambi kaso.+
4 Ekidi tshɛ wadiyame,Ndo akona tshɛ la tokonakona wakitshakitshame.
Nkɛtɛ y’ebondo ebondo yonge ebamubamu,Ndo nkɛtɛ y’afuku afuku okidi w’ebamubamu.+
5 Lotombo la Jehowa layoshɔma,+Ndo anto* tshɛ wayoliɛna kaamɛ,+Nɛ dia onyɔ wa Jehowa kambota.”
6 Nyohokame, onto ɔmɔtshi ekɔ lo mbuta ate: “Welɛ!”
Okina ekɔ lo mimbola ate: “Ahombami mbelɛ?”
“Anto* tshɛ wekɔ adiyo w’ashi wa djɛsɛ.
Ngandji ka kɔlamelo kawɔ tshɛ kekɔ oko dɛmbɔlɛmbɔ dia l’oswe.+
7 Diyo di’ashi wa djɛsɛ diamboma,Dɛmbɔlɛmbɔ diambɔlɛngɛ,+Nɛ dia loowe* la Jehowa lambofufa lɔkɔ.+
Lo mɛtɛ, anto wekɔ tsho adiyo w’ashi wa djɛsɛ.
8 Diyo di’ashi wa djɛsɛ diatomaka,Dɛmbɔlɛmbɔ diatɔlɛngɛka,Koko, ɔtɛkɛta wa Nzambi kaso tshikalaka pondjo.”+
9 Dɛ otsha lo dikona di’otale,Wɛ womoto lɛmba lokumu l’ɔlɔlɔ la Siɔna.+
Diya dui diayɛ la wolo,Wɛ womoto lɛmba lokumu l’ɔlɔlɔ la Jɛrusalɛma.
Diyadiɔ, tokake wɔma.
Ewoya esomba wa la Juda wate: “Nzambi kanyu nde ɔnɛ.”+
10 Nyende, Nkum’olongo Nkumadiɔndjɔ Jehowa ayoya la wolo,Ndo lonya lande layolɛ lo dikambo diande.+
Nyende, nde ekɔ la difuto diande,Ndo difuto diafutande diekɔ la ntondo kande.+
11 Oko olami w’ɛkɔkɔ, nde ayolama ɛkɔkɔ ande,+
La lonya lande, nde ayotshumanya ana w’ɛkɔkɔ,Ndo nde ayowaɛmba lo ntolo kande.
Ndo la ngandji tshɛ, nde ayɔlɔmbɔla wɛnɛ walɔnya anawɔ.+
12 Akɔna akɛdika ashi lo diwambo dia lonya lande+Ndo mbɛdika woke w’olongo la nana dia lonya lande?*
Akɔna akɛdika ditshu dia la nkɛtɛ+Kana mbɛdika wotsho w’akona lo kilɔNdo tokonakona lo kilɔ?
13 Akɔna akɛdika woke wa* nyuma ka Jehowa,Ndo akɔna akoka mbeetsha oko ondaki ande?+
14 Akɔna akandambola dia nkondja yimba,Kana akɔna awetsha mboka ka losembwe,Kana mbeetsha ewo,Kana mbɛnya mboka ka yimba ya mɛtɛ?+
15 Eenda, wedja wekɔ oko dipɔpɔ di’ashi lo mbaka,Ndo vɔ mbɔsamaka oko lɔsɛkɛ la ditshu lo kilɔ.+
Eenda, nde monyiyaka asɛnga oko lɔsɛkɛ la ditshu.
16 Kaanga esongo wa la Lɛbanɔna hawokoke dia nama dja yahɛta,*Ndo nyama ya lɛkɔ hayokoke dikambo di’olambo wa lotshumba.
17 Wedja tshɛ wekɔ oko ɛngɔ kahongaka la ntondo kande;+Nde mbaɔsaka oko ndooko ɛngɔ, oko kɛnɛ kele bu mɛtɛ.+
18 La na akokanyu mbɛdika Nzambi?+
La na akokanyu mbɔfɔnya?+
19 Otshudi salaka ekishi ka lowolo la lɔlɛlɔla,Otshudi wa mbolo kikitaka paonyi,+Ndo nde tshulaka mɔlɔla wa mfɛsa.
20 Nde sɔnaka osongo dikambo dia woshasha ande,+Osongo wahatɔhɔnda.
Nde nyangaka otshudi wa manamanaDia nɔngɔsɔla ekishi kahatosukasuka.+
21 Onde nyu hanyeye?
Onde nyu nyatoke?
Onde vɔ konyotɛdiɔ oma ko etatelo?
Onde nyu komboka oma ko etatelo ka nkɛtɛ?+
22 Ekɔ onto ɔmɔtshi ladjasɛ laadiko di’okama* wa nkɛtɛ,+Ndo anto wodjashi lɔkɔ wekɔ oko akata.
Nde mɔmbɔlaka olongo oko dihɔndɔ dia shadisadi,Ndo nde mbosandjolaka oko luudu la dipɛma la mbidjasɛ lɔkɔ.+
23 Nde mbetɛka ewandji wa weke anyanyaNdo mbetɛka toshushi* ta la nkɛtɛ kɛnɛ kele bu mɛtɛ.
24 Vɔ monɛmaka l’okakatanu,Vɔ mbokamaka l’okakatanu,Ehekele kawɔ tondjaka edio l’okakatanu la nkɛtɛ,Ndo vɔ fufamaka loowe ndo momaka,Ndo lɔpɛpɛ mbaɛmbaka oko lɔsɔdu.+
25 “La na akokanyu fɔnyami dia mbɛdinyami la nde?” mbata Ɔnɛ lele Ekila.
26 “Nyedia washo l’olongo kele nyende.
Akɔna akatonge diangɔ nɛ tshɛ?+
Ele Ɔnɛ latondja alembe adiɔ lo lofulo;Ladielɛ diɔ tshɛ lo nkombo yadiɔ.+
L’ɔtɛ wa lokema la wolo ande ndo nkudu kande ka diambo efula,+Ndooko ɔtɔi l’atei adiɔ lashishɔ.
27 Jakɔbɔ le, lande na katayɛ, ndo Isariyɛlɛ le, lande na kasanyayɛ wate:‘Mboka kami kamboshɛma oma le Jehowa,Ndo dimi handolongola ndooko losembwe oma le Nzambi’?+
28 Onde wɛ heye? Onde wɛ atokaka?
Jehowa, Otungi wa tokoma ta nkɛtɛ ekɔ Nzambi ka pondjo pondjo.+
Nde halɛmbaka ndo hakɔmɔka pondjo.+
Yimba yande hayomanema mfundo.*+
29 Nde mbishaka wolo le ɔnɛ lambɔlɛmbaNdo nkudu k’efula le wanɛ wele bu la lokalo.+
30 Ana w’apami wayɔlɛmba ndo wayɔkɔmɔ,Ndo ɛlɔngɔ w’apami wayotakana ndo wayɔkɔ,
31 Koko wanɛ walongamɛ le Jehowa wayonyomokondja wolo.
Vɔ wayofumbɔ la ahafu oko mpongo.+
Vɔ wayolawɔ ko hawotɔlɛmba;Vɔ wayɔkɛndakɛnda ko hawotohekɔ.”+
Nɔtɛ ka l'ɛse ka dikatshi
^ Kana “Nyɔtɛkɛtɛ lo yoho yasamba.”
^ Kana “mbakayalongola ndodia lo ahende.”
^ Kana “Nyɔlɔngɔsɔlɛ.”
^ Tshɛk., “emunyi.”
^ Tshɛk., “Emunyi.”
^ Kana “nyuma.”
^ Otale wa lam’asa shɔdi ya lohita la woke la lohita la tshungungu etena kasandjola onto lonya. Enda Ap. B14.
^ Kana ondo “akashihodia.”
^ Kana “hawokoke ntondja nkunyi efula.”
^ Kana “obolonga.”
^ Kana “emboledi.”
^ Kana “hayokoke shihodiama.”
