Isaya 54:1-17
54 “Da ekoko w’ɔngɛnɔngɛnɔ, wɛ womoto l’ekomba laki kombota!+
Onga la ɔlɔ w’efula ndo da ekoko w’ɔngɛnɔngɛnɔ,+ wɛ laki kotata lɔɔnɔ,+Nɛ dia ana wa womoto lele okalema waya efulaOleki ana wa womoto lele la omi,”*+ mbata Jehowa.
2 “Nunya dihole dia luudu layɛ la dipɛma.+
Sandjola apɛma wa tabɛrnaklɛ kayɛ ka diambo.
Tohekɔke, taloya ɛkɔdi ayɛ wa apɛma,Ndo keketsha wekɔ ayɛ wolo.+
3 Nɛ dia wɛ ayosandjola otsha lo lonya l’omi ndo otsha lo lɔmɔsɔ.
Anayɛ wayɔsa wedja,Ndo vɔ wayodjasɛ lo esomba wakahandjɔ.+
4 Tokake wɔma,+ nɛ dia wɛ hatoshama nsɔnyi;+Ndo tokake nsɔnyi, nɛ dia wɛ hatɛmba ɛkɔndjɔ.
Nɛ dia wɛ ayohɛ nsɔnyi ka lo nshi yayɛ ya dikɛnda,Ndo wɛ hatohɔ nto diɔnyɔ dia woho weyɛ wadi aki odo.”
5 “Nɛ dia Otungi ayɛ wa Woke+ ekɔ oko omɛyɛ,*+Jehowa kanga lolembelembe kele lokombo lande,Ndo l’Ekila la Isariyɛlɛ kele Otshungodi ayɛ.+
Nde ayelamɛ Nzambi ka nkɛtɛ k’otondo.+
6 Nɛ dia Jehowa akakelɛ wate kana oko wɛ aki wadi lakawasɛkɛ ndo lambondama la lɔkɔnyɔ,*+Oko womoto lakatshukama eke dikɛnda ko wambɔɔsɛka,” mbata Nzambi kayɛ.
7 “Dimi lakakɔsɛkɛ lo tshanda ya tshitshɛ,Koko la kɛtshi k’efula dimi layokokaloya.+
8 Lo elola ka nkɛlɛ, dimi lakashɛ elungi kami oma le yɛ lo tshanda mɔtshi,+Koko la ngandji ka kɔlamelo ka pondjo dimi layokooka kɛtshi,”+ mbata Jehowa Otshungodi ayɛ.+
9 “Le mi ekɔ oko lo nshi ya Nɔa.+
Oko wakamatshibe dia ashi wa Nɔa hawotokukumɛ nkɛtɛ+ nto,Woho akɔ waamɛ mbamomotshiba dia dimi hantonga la nkɛlɛ nto otsha le yɛ kana kohangwɛ.+
10 Nɛ dia akona mbeyaka sɛkɔmaNdo tokonakona mbeyaka sutshasutshama,Koko ngandji kami ka kɔlamelo hatomɔ oma le yɛ,+Ndo sheke yami ya wɔladi hayotosutshasutshama,”+ mbata Jehowa, Ɔnɛ lakooka kɛtshi.+
11 “Wɛ womoto+ lasoyama, lambɔkɔmama lɔpɛpɛ la wolo, lahasambema,+Dimi layanga mbidja ave ayɛ la nkɛtɛ ya lɔsɔha ya woloNdo etshina kayɛ la ave wa safirɛ.+
12 Dimi layosala totshoto tayɛ la ave wa rubi,Ndo asoko ayɛ la ave wa ngaingai,*Ndo elelo ayɛ tshɛ la ave w’oshinga wolo.
13 Ndo anayɛ tshɛ wayetshama oma le Jehowa,+Ndo wɔladi wa anayɛ wayonga efula.+
14 Wɛ ayoshikikɛma nge lo losembwe.+
Wɛ ayonyɛma etale oma lo asui,+Wɛ hatoka ndooko ɛngɔ wɔma ndo ndooko ɛngɔ kayokosha sase,Nɛ dia tɔ hatoya suke la yɛ.+
15 Naka onto ɔmɔtshi ayolanga kɔlɔsha,Dui sɔ hadiotonga lo ndjela didjango diami.
Onto tshɛ layokɔlɔsha ayɔkɔ l’ɔtɛ ayɛ.”+
16 “Eenda, dimi dimɛ kakatonge otshudi,Ɔnɛ latowola akalanga wa dja,Ko olimu ande tondjaka ehomɔ ka ta.
Ndo nto dimi dimɛ kakatonge onto lalanya dia ndanyaka.+
17 Ndooko ehomɔ ka ta kayowotshula dia kɔlɔsha kayolowana,+Ndo wɛ ayanya lolemi tshɛ layemala dia kɔlɔsha lo kilombo.
Ɔsɔ kele etenyi k’okitɔ ka ekambi wa Jehowa,Ndo losembwe lawɔ ndja oma le mi,” mbata Jehowa.+
Nɔtɛ ka l'ɛse ka dikatshi
^ Kana “nkumi.”
^ Kana “nkumɛyɛ.”
^ Tshɛk., “lambohomɔ lo yimba.”
^ Kana “ave wa dja.”
