Isaya 60:1-22
60 “Onɛɛ, wɛ womoto,+ ngamula osase, nɛ dia osase ayɛ wamboya.
Lotombo la Jehowa lambokɔhɛtɛ.+
2 Nɛ dia eenda, wodjima wayokomba nkɛtɛNdo wodjima wa tshududu wayokomba wedja;Koko le yɛ mbayɔhɛta Jehowa,Ndo le yɛ mbayɛnama lotombo lande.
3 Wedja wayotshɔ otsha lo osase+ ayɛNdo nkumi ya dikanga+ otsha lo lɔnɛnɛ layɛ la ngaingai.*+
4 Edia washo ayɛ kele enda lo otshimbedi ayɛ tshɛ!
Vɔ tshɛ wambosangana; vɔ wekɔ lo ndjaye le yɛ.
Anayɛ w’apami wekɔ lo ntetemala ndja oma lo etale,+Ndo anayɛ wa wamato wekɔ lo sukamɛ lo lokondo.+
5 L’etena kɛsɔ, wɛ ayɛna ndo ayonga l’ɔlɔ,+Ndo otema ayɛ wayodidima ndo wayofukɔfukɔ,Nɛ dia ɔngɔnyi wa ndjale wayɛlɛ oya le yɛ;Ekundji wa wedja wayoya le yɛ.+
6 Nyemba ya kamɛlɔ yayolola lo ɛtshi kayɛ ka nkɛtɛ,*Ɛsɔngɔ wa kamɛlɔ wa waomi wa Midiyana ndo wa Efa.+
Wanɛ tshɛ w’oma la Shɛba wayoya;Vɔ wayɛmba paonyi la tshɔ ya wɛma.
Vɔ wayewoya lotombo la Jehowa.+
7 Dongalonga tshɛ dia la Kɛdara+ diayosanganyema le yɛ.
Ɛkɔkɔ wa waomi wa la Nebayɔta+ wayokokambɛ.
Vɔ wayoya lo elambwelo kami, wetawɔma,+Ndo dimi layetɛ luudu lami la lotombo* olangala.+
8 Waa na ango wayafumbɔ oko wange,Oko tokudumba oya lo lokoto la tokudumba?*
9 Nɛ dia le mi mbayolongamɛ+ asɛnga;Masuwa wa Tarashishi mbele la ntondo,*Dia mbela anayɛ oma lo etale,+Kaamɛ la mfɛsa yawɔ ndo paonyi yawɔ,Oya le lokombo la Jehowa Nzambi kayɛ ndo le l’Ekila la Isariyɛlɛ,Nɛ dia nde ayokotombola.*+
10 Angɛndangɛnda wayoka mpele diayɛ,Ndo nkumi ya dikanga wayokokambɛ,+Nɛ dia lo nkɛlɛ kami, dimi lakakɔkɔmɔla,Koko lo ɔlɔlɔ* ami, dimi layokooka kɛtshi.+
11 Asoko ayɛ wayotshikalaka hwe tena tshɛ;+Vɔ hawotodihama la yanyi kana l’otsho,Dia kela ekundji wa wedja,Ndo nkumi ya dikanga yawɔ wayeta la ntondo.+
12 Nɛ dia wodja tshɛ ndo diolelo tshɛ diahatokokambɛ diayolana,Ndo wedja wayolanyema tshɛ lo tshɛ.+
13 Le yɛ kayoya lotombo la Lɛbanɔna,+Osongo wa dihake, osongo wa frɛnɛ* ndo osenge kaamɛ,+Dia mbetɛ tɛmpɛlɔ kami k’ekila olangala;Dimi layotombola dihole diakitshami ekolo ami.+
14 Ana wa wanɛ wakosoya wayoya ndo wayokusama la ntondo kayɛ;Wanɛ tshɛ wahakosalɛ akambo la dilɛmiɛlɔ la dia nkusama l’ekolo ayɛ,Ndo vɔ wayohomba kelɛ ɔnɛ osomba wa Jehowa,Siɔna ya l’Ekila la Isariyɛlɛ.+
15 Lo dihole dia wɛ sɛkama ndo petshama, aha la onto mbeta laleyɛ,+Dimi layoketɛ kiɔkɔ ya ofunu wa pondjo,Ɔkɔkɔ wa ngɛnangɛnaka lo nɔnga tshɛ.+
16 Lo mɛtɛ wɛ ayɔnɔ abɛlɛ wa wedja,+Ndo wɛ ayɔlɔma lo awɛlɛ wa nkumi ya dikanga;+Ndo wɛ ayeya mɛtɛ dia dimi Jehowa kele Oshimbedi ayɛ,Ndo Kanga Wolo laki Jakɔbɔ kele Otshungodi ayɛ.+
17 Dimi layela paonyi lo dihole dia nkonga,Dimi layela mfɛsa lo dihole dia lowolo,Nkonga lo dihole dia abaya,Mbolo lo dihole dia ave;Ndo dimi layɔsɔna wɔladi oko emendji ayɛNdo losembwe oko akahanyishi w’elimu.+
18 Awui wa ngala hawotokɛma nto lo wodja ayɛKana elanyelo ndo ohandjwelo l’etei ka elelo ayɛ.+
Ndo wɛ ayelɛ mpele diayɛ ɔnɛ Panda+ ndo asoko ayɛ ɔnɛ Lotombo.
19 Le yɛ wonya hatonga osase la yanyi nto,Ndo esase wa ngɔndɔ hawotokosha osase,Nɛ dia le yɛ Jehowa ayongaka osase wa pondjo,+Ndo Nzambi kayɛ kayonga olangala ayɛ.+
20 Wonya ayɛ hawotodja nto,Ndo ngɔndɔ kayɛ hatoshishɔ nto,Nɛ dia le yɛ Jehowa ayonga osase+ wa pondjo,+Ndo nshi ya delo diayɛ yayokomɛ.
21 Ndo anto ayɛ tshɛ wayonga anto w’ɛlɔlɔ;Vɔ wayonga akanga wa wodja pondjo pondjo.
Vɔ wele lokonɔ lakamonɛ,Olimu wa anya ami,+ dia dimi monga olangala.+
22 Ɔnɛ lele tshitshɛ ayonga kinunu (1 000)Ndo ɔnɛ lele shekaseka wodja wa wolo.
Dimi Jehowa dimɛ layosala dia dui sɔ salema esadi esadi lo etena kadiɔ.”
Nɔtɛ ka l'ɛse ka dikatshi
^ Kana “otsha lo osase wa ehotwelo kayɛ.”
^ Tshɛk., “le yɛ.”
^ Kana “luudu la olangala.”
^ Kana “oya lo asoko wa luudu la tofudu?”
^ Kana “oko lo etatelo.”
^ Kana “ayoketɛ olangala.”
^ Kana “lolango.”
^ Osongo wa woke wola polo mɛtrɛ 15. Vɔ wekɔ la akatshi w’ɛlɛsɛlɛsɛ ndo la ntahe y’ɛkɛsɛkɛsɛ oko otoko.
