Isaya 62:1-12
-
Lokombo la Siɔna l’oyoyo (1-12)
62 L’ɔtɛ wa Siɔna, dimi hantɔlama,+Ndo l’ɔtɛ wa Jɛrusalɛma, dimi hantotshikala kiEdja ndo losembwe lande lambɔhɛta oko osase wa wolo+Ndo panda kande kambɔhɛta oko owa.+
2 “Wedja wayɛna losembwe layɛ, wɛ womoto,+Ndo lotombo lanyu, nyu nkumi ya dikanga tshɛ.+
Ndo nyu nyayelamɛ lokombo l’oyoyo,+Layonyɔlɛ onyɔ wa Jehowa ndamɛ.
3 Wɛ ayonga dɛmbɔ dia nkoso di’olangala lo lonya la Jehowa,Dihɔndɔ diadingawɔ l’ɔtɛ dia aseka owandji lo lonya la Nzambi kayɛ.
4 Wɛ hatelamɛ nto ɔnɛ womoto lambɔsɛkama,+Ndo wodja ayɛ hawotelamɛ nto ɔnɛ tɔngɔ.+
Koko wɛ ayelamɛ ɔnɛ Ɔngɛnɔngɛnɔ ami wekɔ le nde,+Ndo wodja ayɛ wayelamɛ ɔnɛ Otshukami.
Nɛ dia Jehowa ayokɔngɛnangɛna,Ndo wodja ayɛ wayonga oko womoto lotshukami.
5 Oko watotshukaka ɔlɔngɔ a pami osekaseka w’emuma,Anayɛ wa apami wayokotshuka.
La ɔngɛnɔngɛnɔ wa otshuki a wadi l’ɔtɛ wa otshukami,Nzambi kayɛ ayɔngɛnangɛna l’ɔtɛ ayɛ.+
6 Jɛrusalɛma le, dimi lakakitsha todjamu la diko dia mpele diayɛ.
Tena tshɛ, yanyi y’otondo ndo otsho w’otondo, vɔ hawohombe ntshikala ki.
Nyu wanɛ watɛkɛta dikambo dia Jehowa,Tanyomuyake,
7 Ndo tanyowoshake kaanga yema ya momuya edja ndo nde amboshikikadia Jɛrusalɛma nge,Eelo, edja ndo nde amboyetɛ lotombo la nkɛtɛ.”+
8 Jehowa akatshibe la lonya lande l’omi, la lonya lande la wolo ate:
“Dimi handjokimɔ ntɔngɔ yanyu nto oko mbo ya ndɛ le atunyi anyu,Ndo angɛndangɛnda hawoyɔnɔ wanu anyu w’eyoyo nto, wakanyadiɛnɛ la nkamba.+
9 Koko ndo wanɛ wana wayodilɛ ndo wayotombola Jehowa;Ndo wanɛ wanyula wanu wayowanɔ lo asɛkɛ ami w’ekila.”+
10 Nyete, nyete lo asoko.
Nyɔlɔngɔsɔlɛ anto mboka.+
Nyaate, nyaate ɔsɛsɛ wa woke.
Nyongitole ave+ wa lɔkɔ.
Nyemɛ djembetelo* dikambo dia anto.+
11 Nyende, Jehowa ambewoya lo tokoma ta nkɛtɛ ɔnɛ:
“Nyote ɔna womoto la Siɔna nyate:‘Eenda, panda kayɛ koyaye.+
Eenda, nde ekɔ la difuto diande,Ndo difuto diafutande diekɔ la ntondo kande.’”+
12 Vɔ wayelamɛ anto w’ekila, wanɛ wakatshungɔma oma le Jehowa,+Ndo wɛ ayelamɛ Onyangemi, Osomba wahasɛkami.+
Nɔtɛ ka l'ɛse ka dikatshi
^ Kana “ekundji ka djembetelo.”
