Luka 3:1-38
3 Lo ɔnɔnyi wa 15 w’ɛlɔmbwɛlɔ ka Kayisa Tibɛriyo, etena kaki Pɔsɔ Pilato nguvɛrnɛrɛ ka Judeya ndo kaki Hɛrɔdɛ*+ owandji wa distrikɛ* dia Ngalileya ndo kaki Filipɛ k’ɔnango owandji wa distrikɛ dia Ituriya la dia Tarakɔniti ndo kaki Lusaniya owandji wa distrikɛ dia Abilɛnɛ,
2 lo nshi ya owandji w’ɛlɔmbɛdi Anasi ndo ya Kayifasi,+ dui dia Nzambi diakaye le Joani+ ɔna Zɛkariya l’oswe.+
3 Ko nde akatshu lo ngelo tshɛ yaki suke la Jɔrdana, atasambisha di’anto batizama oko djembetelo ya ndjatshumoya kawɔ dia dimanyiyama pɛkato,+
4 oko wakadiafundama lo dibuku diele la ɛtɛkɛta w’omvutshi Isaya ɔnɛ: “Onto ɔmɔtshi ekɔ lo mbida ombeka l’oswe ɔnɛ: ‘Nyɔlɔngɔsɔlɛ mboka ka Jehowa!* Nyosembole ɛsɛsɛ ande.+
5 Ekidi tshɛ pombaka tediama, akona tshɛ la tokonakona pombaka kitshakitshama; mboka y’akɔtɛ pombaka nsembɔ ndo mboka ya afuku afuku yayonga ɔsɛlɔ;
6 ko anto tshɛ wayɛna panda ka Nzambi.’”*+
7 Ko nde akatɛka elui w’anto wakayaka dia ndjobatizama le nde ate: “Nyu ana w’akuha, akɔna ambonyɔhɛmɔla dia nyu ndawɔ nkɛlɛ+ kayaye?
8 Ɔnkɔnɛ, nyɔtɔ elowa wɛnya ndjatshumoya. Tanyotake nyate: ‘Abrahama kele shɛso.’ Nɛ dia lambonyotɛ nte: Nzambi ekɔ la akoka wa tondjɛ Abrahama ana oma lo ave anɛ.
9 Lo mɛtɛ, shɔka yamboshila kitshama l’ɛse k’esongo. Ɔnkɔnɛ, osongo tshɛ wahatɔ elowa w’ɛlɔlɔ wayɔkɔtama ndo wayokadjema lo dja.”+
10 Ko elui w’anto wakawombola vate: “Ko ahombaso nsala?”
11 Nde akaakadimola ate: “Onto lele la ahɔndɔ 2* akahane la ɔnɛ lahomba, ndo ɔnɛ lele la diangɔ dia ndɛ asale woho akɔ waamɛ.”+
12 Kaanga afutshanyi w’elambo wakaye dia ndjobatizama+ ndo vɔ wakawotɛ vate: “Ombetsha, ahombaso nsala?”
13 Nde akawatɛ ate: “Tanyɔlɔmbake* yɛdikɔ yoleki oshinga w’olambo.”+
14 Ndo nto, asɔlayi wakawombola vate: “Sho ahombaso nsala?” Nde akawatɛ ate: “Tanyɔhɔtɔlake* ndooko onto ɛngɔ ndo tanyɔsɔngwɛke ndooko onto akambo wa kashi,+ koko nyɔngɛnɛngɛnɛ la kɛnɛ* kanyoshawɔ.”
15 L’etena kɛsɔ, anto tshɛ wakalongamɛka ndo vɔ tshɛ wakakanaka yimba l’etema awɔ dikambo dia Joani vate: “Shi ondo nde kele Kristo?”+
16 Joani akaakadimola vɔ tshɛ ate: “Dimi lo wedi ami, lekɔ lo nyobatiza l’ashi, koko ɔnɛ layaye ndekami wolo, dimi haasungana nkelekola+ kaanga ɛkɔdi wa sabata yande. Nde ayonyobatiza la nyuma k’ekila ndo la dja.+
17 Nde ekɔ la lɛɛdi lo lonya lande dia mbɛdia dihole diande di’esuswelo dimɛna ndo dia momba eponga l’odiko, koko nde ayotshumba fufudi lo dja yahakoke nimala.”
18 Nde akashaka alako akina efula ndo akatetemalaka mbewoya anto lokumu l’ɔlɔlɔ.
19 Koko lam’ele Joani akaanya Hɛrɔdɛ, owandji wa distrikɛ lo woho wakandɔshi Hɛrɔdiyasɛ wadi aki ɔnango ndo l’ɔtɛ w’akambo tshɛ wa kɔlɔ wakasalaka Hɛrɔdɛ,
20 l’ɔtɛ wa dikambo sɔ ndo w’akambo akina wakandasale, nde akadje Joani lo lokanu.+
21 Etena kakabatizamaka anto tshɛ, Yeso nde lawɔ akabatizama.+ Lam’akandalɔmbaka, olongo wakadihɔ,+
22 ndo nyuma k’ekila kakɛnama oko fudu k’enga kakaholɔ le nde ndo kakayowahema, ko dui diakaye oma l’olongo diata ate: “Wɛ ekɔ Ɔnami, ɔnɛ lokami ngandji; dimi lamboketawɔ.”+
23 Lam’akatatɛ Yeso+ olimu ande, nde aki l’ɛnɔnyi oko 30,+ ndo oko wakataka anto, nde aki ɔna
Yɔsɛfu,+ɔna Heli,
24 ɔna Matatɛ,ɔna Lɛwi,ɔna Mɛlɛki,ɔna Janayi,ɔna Yɔsɛfu,
25 ɔna Matatiyasɛ,ɔna Amɔsɛ,ɔna Nahuma,ɔna Esɛli,ɔna Nangayi,
26 ɔna Maata,ɔna Matatiyasɛ,ɔna Sɛmɛyina,ɔna Jɔsɛka,ɔna Joda,
27 ɔna Joanana,ɔna Rɛsa,ɔna Zerubabɛlɛ,+ɔna Shɛalatiyɛlɛ,+ɔna Nɛri,
28 ɔna Mɛlɛki,ɔna Adi,ɔna Kɔsama,ɔna Elemadama,ɔna Ɛrɛ,
29 ɔna Yeso,ɔna Eliɛzɛrɛ,ɔna Jorima,ɔna Matatɛ,ɔna Lɛwi,
30 ɔna Simɛyɔna,ɔna Judasɛ,ɔna Yɔsɛfu,ɔna Jɔnama,ɔna Eliyakima,
31 ɔna Meleya,ɔna Mɛna,ɔna Matata,ɔna Natana,+ɔna Davidɛ,+
32 ɔna Jɛse,+ɔna Ɔbɛdɛ,+ɔna Bɔaza,+ɔna Salamɔna,+ɔna Nashɔna,+
33 ɔna Aminadaba,ɔna Arani,ɔna Hɛzɛrɔna,ɔna Perɛzɛ,+ɔna Juda,+
34 ɔna Jakɔbɔ,+ɔna Isaka,+ɔna Abrahama,+ɔna Tɛra,+ɔna Nahɔra,+
35 ɔna Sɛrungɛ,+ɔna Reu,+ɔna Pɛlɛngɛ,+ɔna Ebɛrɛ,+ɔna Shɛla,+
36 ɔna Kayinana,ɔna Arapakɛshadɛ,+ɔna Shɛmɛ,+ɔna Nɔa,+ɔna Lamɛka,+
37 ɔna Metusɛla,+ɔna Ɛnɔkɛ,ɔna Jarɛdɛ,+ɔna Mahalalɛlɛ,+ɔna Kayinana,+
38 ɔna Ɛnɔshɛ,+ɔna Sɛta,+ɔna Adama,+ɔna Nzambi.
Nɔtɛ ka l'ɛse ka dikatshi
^ Tshɛk., “owandji wa etenyi ka nɛi.”
^ Mbuta ate Hɛrɔdɛ Atipa. Enda Elembetshielo.
^ Kana “ehomɔ ka panda ka Nzambi.”
^ Kana “dihɔndɔ dikina.”
^ Kana “tanyɔkɔngɔlake.”
^ Kana “tanyokumuyake.”
^ Kana “difuto.”
