Malaki 1:1-14
1 Diewoyelo:
Ɔtɛkɛta wa Jehowa le Isariyɛlɛ lo tshimbo ya Malaki:*
2 Jehowa kata ate: “Dimi lakanyoke+ ngandji.”
Koko nyu mbutaka nyate: “Ngande wakayatoke ngandji?”
“Onde Esao komonga ɔnango Jakɔbɔ?”+ mbata Jehowa. “Koko dimi lakalange Jakɔbɔ,
3 ko lakahetsha+ Esao; dimi laketɛ akona ande atɔngɔ ato+ ndo lakatshike etenyi kande k’okitɔ dikambo dia mbolo ya l’oswe.”+
4 “Kaanga mbata Ɛdɔmɛ* ate: ‘Sho takaatshatshema, koko tayokalola ndo tayonyomoka ahole wambolana,’ Jehowa kanga lolembelembe kata ate: ‘Vɔ wayoka, koko dimi layotola, ndo wayowaelɛ ɔnɛ: “Ɛtshi ka nkɛtɛ k’akambo wa kɔlɔ” ndo “anto wakaanyema+ pondjo oma le Jehowa.”
5 Washo anyu hita wayɛna dui sɔ, ko nyayota nyate: “Jehowa atombɔme lo ɛtshi ka nkɛtɛ k’Isariyɛlɛ.”’”
6 “‘Ɔna nɛmiyaka she+ ndo okambi nɛmiyaka owandji ande. Ko naka dimi lekɔ shɛnyu,+ lende ele kɛnɛmɔ kahombami nongola?+ Ndo naka dimi lekɔ owandji,* lende ele wɔma* wahombami mbokama?’ mbanyotɛ Jehowa kanga lolembelembe, nyu ɛlɔmbɛdi wanɛ wɔnyɔla lokombo+ lami.
“‘Koko nyu mbutaka nyate: “Ngande wakatɔnyɔla lokombo layɛ?”’
7 “‘Lo mbela mbo ya ndɛ* ya mindo lo elambwelo kami.’
“‘Ndo nyu mbutaka ɔnɛ: “Ngande wakatakodje mindo?”’
“‘Lo mbuta ɔnɛ: “Mɛsa wa Jehowa+ wekɔ ɛngɔ kahomba mɔnywama.”
8 Ndo etena kelanyu nyama ka tshungu oko olambo, nyu mbutaka ɔnɛ: “Ndooko kɔlɔ.” Ndo etena kelanyu nyama k’etshumbe kana kele la hemɔ, nyu mbutaka ɔnɛ: “Ndooko kɔlɔ.”’”+
“Lam’alanganyu, nyohembe ndjitɔlɛ nguvɛrnɛrɛ kanyu. Onde nde ayonyɔngɛnangɛna kana nyolongola dimɛna?” mbata Jehowa kanga lolembelembe.
9 “Lam’alanganyu, kakianɛ, nyɔsɛngɛsɛngɛ* Nzambi dia nde toka kɛtshi. La elambo wa ngasɔ w’oma l’anya anyu hita, onde nde ayolongola onto ɔmɔtshi l’atei anyu dimɛna?” mbata Jehowa kanga lolembelembe.
10 “Ndo akɔna l’atei anyu ayetawɔ dia ndjiha nkuke?*+ Nɛ dia nyu hanyotɔhɛtsha kaanga dja lo elambwelo kami ɔhɛtshahɛtsha.+ Dimi haanyɔngɛnangɛna,” mbata Jehowa kanga lolembelembe, “ndo dimi haangɛnangɛna kaanga la olambo ɔtɔi wa woshasha w’oma lo anya anyu.”+
11 “Nɛ dia oma l’ehotwelo ka wonya polo lo edjelo ka wonya,* lokombo lami layongaka woke l’atei wa wedja.+ Lo dihole tshɛ, wayotutolaka edinga w’elambo, ndo elambo wayokimɔmaka dikambo dia lokombo lami oko woshasha wa pudipudi; nɛ dia lokombo lami layonga woke l’atei wa wedja,”+ mbata Jehowa kanga lolembelembe.
12 “Koko nyu nyekɔ lo lidja mindo*+ lo mbuta ɔnɛ: ‘Mɛsa wa Jehowa wambɔtɔ mindo ndo elowa awɔ, mbuta ate mbo yawɔ ya ndɛ pombaka mɔnywama.’+
13 Ndo nto, nyu mbutaka nyate: ‘Eenda, ande ɔlɛmbɛlɔ lee!’ ndo nyu litshɔdiaka la diɔnyɔ,” mbata Jehowa kanga lolembelembe. “Ndo nyu mbelaka nyama ya lova, ya tshumbe ndo yele la hemɔ. Lo mɛtɛ, nyu mbelaka diangɔ dia ngasɔ oko woshasha! Onde dimi pombaka dilongola oma l’anya anyu?”+ mbata Jehowa.
14 Mananu le kanga lokeso lele la nyama k’omi ka dimɛna lo lokoto lande, ko nde tshikaka dɔkɔlɔkɔ ndo nambolaka Jehowa olambo wa kɔlɔ.* Nɛ dia dimi lekɔ Nkumekanga+ ka woke,” mbata Jehowa kanga lolembelembe, “ndo lokombo lami layonga ɛngɔ ka wɔma l’atei wa wedja.”+
Nɔtɛ ka l'ɛse ka dikatshi
^ Kitshimudi ate: “Ɔkɛndji ami.”
^ Lokombo lokina laki Esao. Enda Elembetshielo.
^ Kana “owandji wa woke.”
^ Kana “dilɛmiɛlɔ.”
^ Tshɛk., “mapa.”
^ Kana “nyotutadia elungi ka.”
^ Ondo ɔkɛndɛ wa ndjihaka nkuke ya lo tɛmpɛlɔ.
^ Kana “oma lo ɛstɛ polo lo owɛstɛ.”
^ Kana ondo “nyambombidja mindo.”
^ Kana “ɛkɔmɔ.”
