Malaki 4:1-6
4 “Eenda, lushi lekɔ lo ndjaye, layɔhɛta oko nkuka+ etena kayonga akanga w’etako tshɛ ndo wanɛ tshɛ wasala kɔlɔ oko nsɔdu. Lushi layaye lɔsɔ layowalanya mɛtɛ,” mbata Jehowa kanga lolembelembe, “ndo lɔ halotowatshikɛ odio kana lotahe.
2 Koko le nyu, nyu wanɛ walɛmiya* lokombo lami, wonya wa losembwe wayɔhɛta la ɛkɔnwɛlɔ lo esase* awɔ; ndo nyu nyayolembɔlembɔ oko ɛsɔngɔ wa ngɔmbɛ wa wata.”
3 “Ndo nyu nyayokamɛ akanga wa kɔlɔ la ekolo, nɛ dia vɔ wayonga oko ditshu l’ɛse k’ekolo anyu lo lushi layomosala dui sɔ,” mbata Jehowa kanga lolembelembe.
4 “Nyohɔ Ɛlɛmbɛ, wadjango ndo dombwelo diakamadjangɛ okambi ami Mɔsɛ la Hɔrɛbɛ dia Isariyɛlɛ w’otondo nkitanyiya.+
5 “Nyolonge, dimi layotoma omvutshi+ Elidja le nyu la ntondo ka lushi la woke ndo la wɔma la Jehowa+ ndja.
6 Ko nde ayokadimola etema w’ambutshi w’apami otsha le ana+ ndo etema w’ana otsha le ambutshi w’apami, diaha dimi ndja ndjolanya nkɛtɛ ndo ndjikimɔ lo elanyelo.”
