Mateo 1:1-25
1 Ɔnɛ ele dibuku di’ɔkɔndɔ* wa Yeso Kristo,* ɔna Davidɛ,+ ɔna Abrahama:+
2 Abrahama akote Isaka;+Isaka akote Jakɔbɔ;+Jakɔbɔ akote Juda+ la anango;
3 Juda la wadɛnde Tamara wakote Perɛzɛ la Zera;+Perɛzɛ akote Hɛzɛrɔna;+Hɛzɛrɔna akote Rama;+
4 Rama akote Aminadaba;Aminadaba akote Nashɔna;+Nashɔna akote Salamɔna;
5 Salamɔna la wadɛnde Rahaba+ wakote Bɔaza;Bɔaza la wadɛnde Ruta+ wakote Ɔbɛdɛ;Ɔbɛdɛ akote Jɛse;+
6 Jɛse akote nkumekanga Davidɛ.+
Davidɛ la wadi aki Uriya wakote Sɔlɔmɔna;+
7 Sɔlɔmɔna akote Rɛhɔbɔama;+Rɛhɔbɔama akote Abidja;Abidja akote Asa;+
8 Asa akote Jɛhɔshafata;+Jɛhɔshafata akote Jɛhɔrama;+Jɛhɔrama akote Uziya;
9 Uziya akote Jɔtama;+Jɔtama akote Ahaza;+Ahaza akote Hɛzɛkiya;+
10 Hɛzɛkiya akote Manase;+Manase akote Amɔna;+Amɔna akote Jɔsiya;+
11 Jɔsiya+ akote Jɛkɔniya+ la anango etena kakawatɔlama lo lɔhɔmbɔ la Babilɔna.+
12 L’ɔkɔngɔ wa vɔ tɔlama lo lɔhɔmbɔ la Babilɔna, Jɛkɔniya akote Shɛalatiyɛlɛ;Shɛalatiyɛlɛ akote Zerubabɛlɛ;+
13 Zerubabɛlɛ akote Abiyudɛ;Abiyudɛ akote Eliyakima;Eliyakima akote Azɔra;
14 Azɔra akote Zadɔka;Zadɔka akote Akimɛ;Akimɛ akote Eliyudɛ;
15 Eliyudɛ akote Eleazara;Eleazara akote Matana;Matana akote Jakɔbɔ;
16 Jakɔbɔ akote Yɔsɛfu omi aki Mariya, ɔnɛ lakote+ Yeso lelamɛ Kristo.+
17 Nɔnga tshɛ ntatɛ oma le Abrahama polo le Davidɛ yaki nɔnga 14; oma le Davidɛ polo l’etena kakawatɔlama lo lɔhɔmbɔ la Babilɔna aki nɔnga 14; oma l’etena kakawatɔlama lo lɔhɔmbɔ la Babilɔna polo le Kristo aki nɔnga 14.
18 Koko nganɛ mbakayala eotwelo ka Yeso Kristo. L’etena kakambemɛ Mariya wa nyango le Yɔsɛfu, nde akatshu diemi lo wolo wa nyuma k’ekila*+ la ntondo ka vɔ ndjala kaamɛ.
19 Lam’ele Yɔsɛfu omɛnde* aki onto ɔlɔlɔ ndo konanga mbosha nsɔnyi, nde akayange dia ndjaka diwala la nde lo woshɛshɛ.+
20 Koko l’ɔkɔngɔ wa nde nkana yimba l’akambo asɔ, nyolonge, ondjelo wa Jehowa* akɛnama le nde lo dɔ, ko akawotɛ ate: “Yɔsɛfu ɔna Davidɛ, tokake wɔma dia mbɔsa Mariya wadɛyɛ lakayɛ, nɛ dia oma lo wolo wa nyuma k’ekila+ mbamondotshɔ diemi.
21 Nde ayota ɔna pami, kowɔlɛ Yeso,*+ nɛ dia nde mbayoshimbɛ anto ande oma lo pɛkato+ yawɔ.”
22 Akambo asɔ tshɛ wakasalema dia nkotsha kɛnɛ kakate Jehowa* lo tshimbo y’omvutshi ande ɔnɛ:
23 “Eenda! Osekaseka w’emuma ayotshɔ diemi ndo ayota ɔna pami, wayowɔlɛ Emanuwɛlɛ,”+ kitshimudi ate “Nzambi ekɔ la so.”+
24 Oma laasɔ, Yɔsɛfu akemɔ oma lo djɔ, akasale akambo oko wakawotɛ ondjelo wa Jehowa* ndo akɔshi wadɛnde lakande.
25 Koko Yɔsɛfu kombeyana la nde polo ndo lam’akandote ɔna+ pami, ko nde akawɔlɛ Yeso.+
Nɔtɛ ka l'ɛse ka dikatshi
^ Kana “ɔlɔndji.”
^ Kana “Mɛsiya; Ɔnɛ lele Okitami.”
^ Kana “wolo wakamba olimu.”
^ Lo ndjela mbekelo k’ase Juda, omambedi akelamɛka omi kana wadi.
^ Ɔnɛ kele dihole dia ntondo lo ahole 237 wa lo Afundelo w’Akristo wa lo Grɛkɛ watanema lokombo la Nzambi, Jehowa, lo otondo wa Bible lo ekadimwelo kɛnɛ. Enda Ap. A5.
^ Mbɔtɔnɛka la lokombo la lo Hɛbɛru Jeshua kana Jashua, lalembetshiya “Jehowa ekɔ panda.”
