Mika 1:1-16
1 Ɔtɛkɛta wa Jehowa wakaye le Mika*+ ose Mɔrɛshɛtɛ lo nshi ya Jɔtama,+ Ahaza+ ndo Hɛzɛkiya,+ nkumi ya dikanga ya Juda,+ wakandalongola lo ɛnɛlɔ kendana la Samariya ndo Jɛrusalɛma vɔ ɔnɛ:
2 “Nyu anto tshɛ, nyohokame!
Nkɛtɛ ndo kɛnɛ tshɛ kele lɔkɔ le, nyodje yimba,Ndo Nkum’Olongo Nkumadiɔndjɔ Jehowa ayale ɔmɛnyi lo dikambo dianyu+Jehowa oma lo tɛmpɛlɔ kande k’ekila.
3 Eenda, Jehowa oyatombe oma lo dihole diande;Nde ayoholɔ ndo ayɔkɛndakɛnda lo ahole wa la diko wa la nkɛtɛ.
4 Akona wayɔlɛlɔ l’ɛse kande,+Ndo ekidi* wayatatɛOko wata la ntondo ka dja,Oko ashi wambotshulɔ lo oholola.
5 Kɛsɔ tshɛ ekɔ l’ɔtɛ w’ɔtɔmbɔkwɛlɔ wa Jakɔbɔ,L’ɔtɛ wa pɛkato ya luudu l’Isariyɛlɛ.+
Ele ɔtɔmbɔkwɛlɔ wa Jakɔbɔ?
Shi Samariya?+
Ndo ele ahole wa la diko wa Juda?+
Shi Jɛrusalɛma?
6 Dimi layetɛ Samariya tota di’elanyelo dia l’oswe,Dihole dia kambaka dikambɔ dia vinyɔ;Dimi layokasha* ave atɔ otsha l’okidi,Ndo dimi layotshika atshina atɔ hwe.
7 Dikishi diatɔ tshɛ diayatshatshema,+Ndo weshasha atɔ tshɛ wakatayakondjiyɛ* wayotshumbama lo dja.+
Dimi layolanya dikishi diatɔ tshɛ.
Nɛ dia tɔ kakadikondja oma lo afuto wa kinumba,Ndo vɔ wayonyomonga afuto wa waa numba.”
8 Dimi layolela ndo layoda ekoko+ l’ɔtɛ wa dui sɔ;Dimi layɔkɛndakɛnda ekolo hwe ndo otakataka.+
Delo diami diayonga oko dia mbolo,Ndo otanda ami wayonga oko wa teke.
9 Nɛ dia mpota kande hakoke nkɔnɔ;+Tɔ kambotshɔ etale polo la Juda.+
Sui diambokokanɛ polo lo soko di’anto ami, polo la Jɛrusalɛma.+
10 Tanyewoyake dui sɔ la Ngata;Hanyohombe ndela kaanga yema.
Ngitɔ lo ditshu la Bɛtɛ-Afara.*
11 Nyu wanɛ wadjasɛ* la Shafiri le, nyotshu etakataka ndo la nsɔnyi.
Wanɛ wadjasɛ* la Zanana kotomba.
Delo diayonga la Bɛtɛ-Ezɛlɛ, ndo tɔ kayonya esukɔ atɔ oma le nyu.
12 Nɛ dia wanɛ wadjasɛ* la Marɔta wakakongaka kɛnɛ kele ɔlɔlɔ,Koko kɛnɛ kele kɔlɔ kakaye oma le Jehowa polo lo soko dia Jɛrusalɛma.
13 Nyu wanɛ wadjasɛ* la Lakishi+ le, nyokeleke pusupusu lo olui wa mfalasa.
Nyu nyaki etatelo ka pɛkato le ɔna womoto la Siɔna,Nɛ dia le yɛ kakatanema ɛtɔmbɔkwɛlɔ w’Isariyɛlɛ.+
14 Ɔnkɔnɛ, wɛ ayosha Mɔrɛshɛtɛ-Ngata weshasha w’olakanelo.
Mvudu ya Akizibɛ+ yaki ɛngɔ ka lokeso le nkumi ya dikanga y’Isariyɛlɛ.
15 Nyu+ wanɛ wadjasɛ* la Maresha+ le, dimi layonyela ɔnɛ lalɛndja.*
Lotombo l’Isariyɛlɛ layokoma polo la Adulama.+
16 Nyoyaate awandji ndo nyonya avo anyu l’ɔtɛ w’ananyu walanganyu efula.
Nyoyaate awandji oko mpongo,Nɛ dia vɔ wambɔsama oma le nyu otsha lo lɔhɔmbɔ.”+
Nɔtɛ ka l'ɛse ka dikatshi
^ Lokombo Mikayɛlɛ kana Mikaya lo hiembola, lalembetshiya “Akɔna ele oko Jehowa?”
^ Kana “ekidi w’ebamubamu.”
^ Kana “layohongola.”
^ Kana “afuto tshɛ w’oma lo kinumba katɔ.”
^ Kana “lo luudu la Afara.”
^ Tshɛk., “womoto ladjasɛ.”
^ Tshɛk., “womoto ladjasɛ.”
^ Tshɛk., “womoto ladjasɛ.”
^ Tshɛk., “womoto ladjasɛ.”
^ Tshɛk., “womoto ladjasɛ.”
^ Kana “ɔpɔtɔdi.”