Mika 5:1-15
5 “Kakianɛ, wɛ amboyatshatsha,Wɛ ɔna womoto lalɔshama;Wambotodinga dia tɔlɔsha.+
Vɔ wambɔkɔmɔla shushi y’Isariyɛlɛ lo tama+ la okalemba.
2 Wɛ Bɛtɛlɛhɛma Efarata+ le,Ɔnɛ lele tshitshɛ dia monga l’atei wa nunu* dia Juda,Oma le yɛ kayotomba ɔnɛ layonga omboledi lo Isariyɛlɛ+ dikambo diami,Ɔnɛ lakayala edja efula la ntondo, oma ko nshi y’edjedja.
3 Ɔnkɔnɛ nde ayowakalɛPolo lam’ayoota ɔnɛ lahomba mbota.
Ndo atshikadi w’anango wayokalola otsha le ase Isariyɛlɛ.
4 Nde ayemala ndo ayolama la wolo wa Jehowa,+La lokombo laheme laki Jehowa Nzambi kande.
Ndo vɔ wayodjasɛ lo lotui tshitshi,+Nɛ dia l’etena kɛsɔ, woke woke ande wayokoma lo tokoma ta nkɛtɛ.+
5 Ndo nde ayela wɔladi.+
Naka ose Asuriya pombaka mbɔtwɛ wodja aso ndo mbeteta lo totshoto taso todingami la mpele,+Sho tayotondja alami 7 w’ɛkɔkɔ, ɛɛ, ewandji* 8 w’anto dia mbɔlɔsha.
6 Vɔ wayɔlɔmbɔla wodja w’Asuriya la lokuwa la ta,+Ndo asoko wa wodja wa Nimɛrɔdɛ.+
Ndo nde ayototsha oma le ose Asuriya,+Etena kayondɔtwɛ wodja aso ndo kayondeteta lo ɛtshi kaso ka nkɛtɛ.
7 Atshikadi wa Jakɔbɔ wayonga l’atei w’anto efulaOko lɔpɔpɔ l’oma le Jehowa,Oko apɔpɔ wa mvula lo tombatombaDiahadje elongamelo le ontoKana mendɛ le ana w’anto.
8 Atshikadi wa Jakɔbɔ wayonga l’atei wa wedja,L’atei w’anto efula,Oko ntambwɛ l’atei wa nyama ya l’okonda,Oko ɔsɔngɔ wa ntambwɛ* l’atei w’elui w’ɛkɔkɔ,Weta ndo wafumbɔ dia minda, ko mbatshatsha;Ndo ndooko ɔnɛ lawatsha.
9 Lonya layɛ layonyiyama laadiko dia andɔshi ayɛ,Ndo atunyi ayɛ tshɛ wayolanyema.”
10 Jehowa kata ate: “Lushi lɔsɔ,Dimi layonya mfalasa yayɛ oma l’atei ayɛ ndo layolanya pusupusu yayɛ.
11 Dimi layolanya esomba wa lo wedja ayɛNdo layɔkɔsha ahole ayɛ tshɛ wodingami la mpele.
12 Dimi layokomiya awui w’alɔka wasalayɛ,*Ndo ndooko osadi w’awui wa maji layotshikala l’atei ayɛ.+
13 Dimi layolanya dikishi diayɛ ndo dikundji diayɛ oma l’atei ayɛ,Ndo wɛ hatokusamɛ olimu w’anya+ ayɛ nto.
14 Dimi layokundola dimɛta diayɛ dia l’esongo*+ oma l’atei ayɛNdo layolanya esomba ayɛ.
15 Dimi layɔsɔmbɔya la nkɛlɛ ndo la oduduLe wedja waki kokitanyiya.”
Nɔtɛ ka l'ɛse ka dikatshi
^ Kana “waoho.”
^ Kana “ɛnɔmbɔdi.”
^ Kana “ɔsɔngɔ wa ntambwɛ wele l’alɛfulɛfu.”
^ Tshɛk., “oma lo lonya layɛ.”
^ Enda Elembetshielo.
