Obadiya 1:1-21
1 Ɔnɛ ele ɛnɛlɔ k’Obadiya:*
Nkum’Olongo Nkumadiɔndjɔ Jehowa kata lo dikambo dia Ɛdɔmɛ+ ate:
“Sho tamboka losango oma le Jehowa,Otomami akatomama l’atei wa wedja dia mbuta ɔnɛ:
‘Nyemale, nyɛsɔ toyalɔngɔsɔlɛ dia mbɔlɔsha.’”+
2 “Eenda, dimi lakaketɛ ɛngɔ k’anyanya l’atei wa wedja;Wambokɔnyɔla+ tshɛ lo tshɛ.
3 Otako w’otema ayɛ wakakokese,+Wɛ ladjasɛ lo weoko w’ave,Lodjashi la diko, lata l’otema ayɛ wate:‘Akɔna ayompoloya la nkɛtɛ?’
4 Oyadi wɛ mbidjasɛ la diko* oko mpongo,Naka wɛ nkitsha kefu kayɛ l’atei wa tɔɔtɔ,Dimi layokoholoya oma lɛkɔ,” mbata Jehowa.
5 “Naka wevi ndja le yɛ, apɔtwanyi wa l’otsho,(Ande woho wayoyolanyema tshɛ lo tshɛ lee!)*
Onde vɔ hawotova paka kɛnɛ kalangawɔ?
Kana naka amimbi w’elowa wekɔ wahomba ndja le yɛ,Onde vɔ hawototshika ɛmɔtshi dia ndjɔkɔdiakɔdia?+
6 Ande woho wakawayangiayangia Esao lee!
Ande woho wakayangema diangɔ diande di’oshinga wolo diakashɛma lee!
7 Vɔ wakakotshanya polo l’olelo.
Asekayɛ* tshɛ wakakokese.
Wanɛ wakasɛnaka la yɛ lo wɔladi wakakɔlɛndja.
Wanɛ walɛ mapa kaamɛ la yɛ wayokaamba ɔtɛyi,Koko wɛ hatoshihodia dui sɔ.
8 Lushi lɔsɔ,” mbata Jehowa,“Onde dimi hantolanya akanga wa tomba tshɛ lo Ɛdɔmɛ+Ndo akanga wa shɛnɔdi lo lɛkɛ l’akona la Esao?
9 Temana+ le, andɔshi ayɛ wa ta wayoka wɔma,+Nɛ dia onto tshɛ lele lo lɛkɛ l’akona la Esao ayolanyema lo odiakelo.+
10 L’ɔtɛ w’awui wa ngala wakayasalɛ Jakɔbɔ+ y’ɔnanyɔ,Nsɔnyi kayokokomba,+Ndo wɛ ayolanyema pondjo.+
11 Lushi lakayemala suke,Lushi lakande angɛndangɛnda asɔlayi ande mfumbe,+Etena kakɔtɔ ase wodja okina lo osomba* ande ndo kakawoke Jɛrusalɛma owale,+Wɛ akasale akambo oko vɔ.
12 Tɔngɛnangɛnake kɛnɛ kayokomɛ ɔnanyɔ lushi la mpokoso+ kande,Tɔngɛnangɛnake lo dikambo di’ase Juda lushi l’elanyelo+ kawɔ,Ndo tɔtɛkɛtake la lotamanya tshɛ lushi la sui diawɔ.
13 Toyake lo soko di’anto ami lushi la mpokoso+ kawɔ,Tɔngɛnangɛnake l’ɔtɛ wa sui diande lushi la mpokoso kande,Ndo todjake anya ayɛ lo ɔngɔnyi ande lushi la mpokoso+ kande.
14 Temalake lo asanga wa mboka dia ndjaka anto ande watshikala la lɔsɛnɔ,+Ndo tokimɔke ehandɔ ande lo lushi la sui.+
15 Nɛ dia lushi layɔlɔsha Jehowa wedja tshɛ laya suke.+
Oko wakayasale, mbayowokosalɛ.+
Woho wakayasalɛ anto akina akambo mbayowokosalɛ.
16 Nɛ dia oko wakayanɔ lo dikona diami di’ekila,Mbayotetemalaka+ wedja tshɛ nnɔ.
Vɔ wayɔnɔ ndo wayokowɛ,Ndo vɔ wayonga oko anto wahatongaka ndooko lushi.
17 Koko wanɛ watshikala la lɔsɛnɔ+ wayonga lo Dikona dia Siɔna,Ndo diɔ diayonga ekila;+Ndo luudu la Jakɔbɔ layɔsa diangɔ diele diawɔ.+
18 Luudu la Jakɔbɔ layonga dja,Luudu la Yɔsɛfu layonga loombe,Ndo luudu l’Esao oko nsɔdu;Yɔ yayowatshumba ndo yayowalongoya,Ndo ndooko ohandɔ wayonga lo luudu l’Esao,+Nɛ dia Jehowa ndamɛ kambɔtɛkɛta.
19 Vɔ wayɔsa Nɛngɛbɛ ndo lɛkɛ l’akona la Esao,+Shɛfɛla ndo ɛtshi ka nkɛtɛ k’ase Filistiya.+
Vɔ wayɔsa nkɛtɛ y’Efrayimɛ ndo nkɛtɛ ya Samariya,+Ndo Bɛnjamina ayɔsa Ngiliyadɛ.
20 Anto wa lo dihole di’ekokelo*+ nɛ wele mfumbe,Ase Isariyɛlɛ mbayonga akanga wa wodja w’ase Kanana polo la Zarɛfatɛ.+
Ndo ase Jɛrusalɛma wele mfumbe, wanɛ waki la Sefarada mbayonga akanga w’esomba wa Nɛngɛbɛ.+
21 Ndo eshimbedi wayotomba lo Dikona dia SiɔnaDia nombosha lɛkɛ l’akona la Esao,+Ndo lowandji layonga laki Jehowa.”+
Nɔtɛ ka l'ɛse ka dikatshi
^ Kitshimudi ate: “Okambi wa Jehowa.”
^ Kana ondo “wɛ mfumbɔ la diko.”
^ Kana ondo “Shi vɔ wotolanya efula?”
^ Kana “Wanɛ wakadje la yɛ sheke.”
^ Tshɛk., “soko.”
^ Kana “lokombo.”