Tokedi 1:1-33
1 Tokedi ta Sɔlɔmɔna,+ ɔna Davidɛ+ nkumekanga k’Isariyɛlɛ+ tɔ tɔnɛ:
2 Dia mbeka* lomba+ ndo ohokwelo;Dia nshihodia ɛtɛkɛta wa lomba;
3 Dia nongola ohokwelo+ washa shɛnɔdi,Losembwe,+ ekanelo k’ɔlɔlɔ*+ ndo osembɔki;*
4 Dia mbisha wanɛ wahatahokɔ akambo shɛnɔdi;+Dia mbisha ɔlɔngɔ a pami ewo ndo dikoka di’ekanelo ka yimba.+
5 Kanga lomba pokamɛka ndo kondjaka wetshelo+ efula;Kanga yimba kondjaka ɛlɔmbwɛlɔ ka lomba*+
6 Dia nshihodia yokedi ndo ɔkɛla,*Ɛtɛkɛta wa akanga wa lomba ndo ɛtɛkɛta awɔ wa didjidji.+
7 Wɔma* wa Jehowa kele etatelo ka ewo.+
Paka akanga wa dinginya mbɔnyɔla lomba ndo ohokwelo.+
8 Ɔnami, hokamɛ ohokwelo wa shɔ,+Ndo tɔsɛkake wetshelo* wa nyɔ.+
9 Vɔ wekɔ oko ekata ka dimɛna k’alɛmbɔlɛmbɔ lo ɔtɛ+ ayɛNdo ɛlɛngalɛnga ka dimɛna lo nkingo kayɛ.+
10 Ɔnami, naka atshi wa pɛkato wambohemba dia kokotola, tetawɔke.+
11 Naka vɔ wambota vate: “Yete kaamɛ la so.
Totoholame dia nkɛdia dikila.
Tayoyashɛ ko kongaka anto waha l’onongo dia mbasalɛ kɔlɔ osalɛsalɛ.
12 Sho tayowamɛna wasɛna oko watɔmɛnaka Diombo,*Etondo oko wanɛ watshɔ otsha lo difuku.
13 Nyɛsɔ tɔshi diangɔ diawɔ dia nɛmɔ tshɛ;Tayolodia mvudu yaso la diangɔ dia dimbo.
14 Ɔtɔ l’ɔnɔngɔ aso,*Tayokahana sho tshɛ diangɔ diayotova popo.”*
15 Ɔnami, towayelake.
Todjake ekolo ayɛ lo mboka kawɔ,+
16 Nɛ dia ekolo awɔ ndawɔka dia tosala kɔlɔ;Vɔ samanyaka dia tɔkɛdia dikila.+
17 Lo mɛtɛ waamamba mbambawɔ ɔtɛyi lo washo wa fudu.
18 Diakɔ diaholamawɔ dia nkɛdia dikila;Vɔ ndjashɛka dia mbɔsa nsɛnɔ* y’anto akina.
19 Ɔsɔ mbele mboka ya wanɛ wayanga wahɔ wa lokeso,Wayɔsa lɔsɛnɔ* la wanɛ wawokondja.+
20 Lomba+ la mɛtɛ lekɔ lo mbida ombeka la dui dia wolo lo shinga.+
Lɔ lekɔ lo ntetemala mbidiya dui dialɔ lo asanga.+
21 Lo sanga* dia toshinga teteta anto efula, lɔ lekɔ lo mbelɛ.
Lo mbɔtwɛlɔ ya asoko w’osomba, lɔ lekɔ lo mbuta ɔnɛ:+
22 “Nyu weomombe le, polo l’etena kakɔna kayonyolanga monga womombe?
Nyu amɔnyɔdi le, polo l’etena kakɔna kayonyɔngɛnangɛna mɔnywana?
Ndo nyu dinginya le, polo l’etena kakɔna kayonyohetsha ewo?+
23 Nyetawɔ lohango+ lami.*
Ko dimi layonyohongolɛ nyuma kami;Dimi layonyewoya ɛtɛkɛta ami.+
24 Nɛ dia dimi lakawelɛ, koko nyu nyakatetemala ntona,Dimi lakasembola lonya lami, koko ndooko onto lakadje yimba,+
25 Nyakatetemala minya yimba lo dako diami tshɛNdo ntona lohango lami,
26 Ndo nto, dimi layɔla etena kayonyokomɛ mpokoso;Dimi layɔla etena kayonyokomɛ kɛnɛ kokanyu wɔma,+
27 Etena kayoya kɛnɛ kokanyu wɔma oko lɔhɛlɛdi,Ndo etena kayokoma mpokoso kanyu oko lɔpɛpɛ la wolo,Etena kayonyokomɛ asui la ekakatanu.
28 Lo etena kɛsɔ, vɔ wayotetemala mbelɛmi, koko dimi hantokadimola;Vɔ wayonyanga wolo, koko vɔ hawotontana,+
29 Nɛ dia vɔ wakahetsha ewo,+Ndo vɔ kɔsɔna wɔma wa Jehowa.+
30 Vɔ wakatone dako diami;Vɔ wakɔnyɔla lohango lami tshɛ.
31 Ɔnkɔnɛ, vɔ wayodiɛnɛ la etombelo* w’oma lo mboka kawɔ,+Ndo vɔ wayolotshama la alako* awɔ hita.
32 Nɛ dia ɔtɛ wolo wa wanɛ wahatahokɔ akambo ayowadiaka,Ndo wendjodi w’akanga wa dinginya ayowalanya.
33 Koko ɔnɛ lampokamɛ ayodjasɛ lo lotui tshitshi+Ndo hatotshimba wɔɔngɔ la wɔma wa mpokoso.”+
Nɔtɛ ka l'ɛse ka dikatshi
^ Tshɛk., “mbeya.”
^ Kana “kɛnɛ kosembwe.”
^ Kana “aha wɛngɛngɛ.”
^ Kana “ɛlɔmbwɛlɔ ka dimɛna.”
^ Kana “wɛɛla.”
^ Kana “Wɔma wɔsɔhanyi la dilɛmiɛlɔ.”
^ Kana “ɛlɛmbɛ.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “tayosanga tapa (tshapatapa ya falanga).”
^ Kana “Oka owale ayɛ kaamɛ la so.”
^ Kana “anima.”
^ Kana “anima.”
^ Tshɛk., “l’ɔtɛ.”
^ Kana “Nyokadimɔ etena kahangɔmi.”
^ Tshɛk., “wayɔlɛ elowa.”
^ Kana “tokanyi; dikongelo.”