Tokedi 13:1-25
13 Ɔna la lomba mbetawɔka ohokwelo+ wa she,Koko ɔsɔkanyi hahokamɛ lohango.*+
2 Oma lo elowa w’ɛtɛkɛta* ande, onto ayɔlɛ kɛnɛ kele ɔlɔlɔ,+Koko nsaki* ka akanga w’okadi ekɔ dikambo dia awui wa ngala.
3 Onto lalama onyɔ ande* kokɛka lɔsɛnɔ* lande,+Koko onto lafola ɛlɔmɔ ande hwe ayolanyema.+
4 Kanga nɛndɛ atokombolaka diangɔ, koko nde* ndooko la ɛngɔ,+Koko kanga* etete ayolotshama dimɛna.*+
5 Onto ɔlɔlɔ petshaka kashi,+Koko etsha wa akanga wa kɔlɔ mbelaka nsɔnyi ndo diɔnyɔ.
6 Onto ɔlɔlɔ kokɛka ɔnɛ lele mboka kande bu la onongo,+Koko kɔlɔ kɔshaka otshi wa pɛkato.
7 Ekɔ onto ɔmɔtshi lata dia nde ekɔ ɔngɔnyi, koko nde ndooko la ɛngɔ.+Ekɔ onto okina lata dia nde ekɔ wola, koko nde ekɔ la ɔngɔnyi efula.
8 Ɛngɔnyi wekɔ oshinga w’etshungwelo dikambo dia lɔsɛnɔ*+ l’onto,Koko ase wola hawokiyama kaanga wɔma.*+
9 Osase wa anto w’ɛlɔlɔ ngamɔka wolo,*+Koko tala dia akanga wa kɔlɔ diayodimala.+
10 Otako konyaka tsho lo ewanu,+Koko lomba lekɔ le wanɛ wayanga alako.*+
11 Ɔngɔnyi wakondjama esadi esadi* wayokitakita,+Koko ɔngɔnyi w’onto layanga yema yema* wayodɛ.
12 Elongamelo* kahatakotshama mbishaka paa l’asolo,+Koko nsaki kambokotshama ekɔ osongo wa lɔsɛnɔ.+
13 Onto tshɛ lahetsha wetshelo* ayofuta kibawo,+Koko ɔnɛ lalɛnya ɛlɛmbɛ ayofutama.+
14 Wetshelo* wa kanga lomba wekɔ kiɔkɔ ya lɔsɛnɔ+Dia minya onto oma lo tolonga ta nyɔi.
15 Shɛnɔdi ya dimɛna pomuyaka lokolo l’ɔlɔ,Koko mboka ka kanga okadi kekɔ kɔlɔ.
16 Kanga kɛsɔ salaka akambo la ewo,+Koko kanga enginya tondjaka enginya+ kande sɛkɛ.
17 Ɔkɛndji wa kɔlɔ kɔka lo okakatanu,+Koko otomami wa kɔlamelo mbelaka ɛkɔnwɛlɔ.+
18 Onto tshɛ lanya ohokwelo yimba komaka wola ndo mbishamaka nsɔnyi,Koko ɔnɛ letawɔ engwelo* ayotombɔma.+
19 Nsaki lam’akotshamatɔ mongaka mpɛ le onto,*+Koko kanga enginya tonaka nkadimɔ oma lo kɔlɔ.+
20 Ɔnɛ latɛngɔlaka kaamɛ la akanga wa lomba ayonga kanga lomba,+Koko ɔnɛ lekesanɛ la akanga wa dinginya ayokomɛ lo kɔlɔ.+
21 Mpokoso ndjelaka atshi wa pɛkato,+Koko ɔngɔnyi futaka anto w’ɛlɔlɔ.+
22 Onto ɔlɔlɔ tshikɛka ekana ande etenyi k’okitɔ,Koko ɔngɔnyi wa otshi wa pɛkato wayolamema dikambo di’onto ɔlɔlɔ.+
23 Ekambɔ kakafuse ose wola tondjaka mbo ya ndɛ efula,Koko tɔ* mbeyaka ndanyema oma lo awui waha la losembwe.
24 Onto tshɛ lahakɔmɔla ɔnande+ ɔhɛhɛla* mbohetshaka,Koko ɔnɛ lalanga ɔnande mbohokolaka la etete tshɛ.*+
25 Onto ɔlɔlɔ ndɛka ndo ndotaka,*+Koko dikundju dia kanga kɔlɔ diekɔ hwe.+
Nɔtɛ ka l'ɛse ka dikatshi
^ Kana “engwelo.”
^ Tshɛk., “onyɔ.”
^ Kana “anima.”
^ Kana “kɛnɛ katande.”
^ Kana “anima.”
^ Kana “anima ande.”
^ Kana “anima wa.”
^ Tshɛk., “ayonga wata.”
^ Kana “anima.”
^ Tshɛk., “hoke ndooko lohango.”
^ Tshɛk., “wayɔngɛnangɛna.”
^ Kana “wanɛ wambɔna tokanyi.”
^ Tshɛk., “watshumanyema la lonya.”
^ Kana “Ɔngɔnyi w’oma lo akambo w’anyanya.”
^ Kana “Dikongelo.”
^ Kana “ɔtɛkɛta.”
^ Kana “Ɛlɛmbɛ.”
^ Kana “lohango.”
^ Kana “anima.”
^ Kana “nde.”
^ Kana “mpokola; mbisha dilanya.”
^ Kana ondo “aha la ntshimbatshimba.”
^ Kana “anima ande.”
