Tokedi 22:1-29
22 Lokombo l’ɔlɔlɔ* kahomba sɔnama lo dihole dia ɔngɔnyi w’efula;+Nɛmiyama* ndeka mfɛsa la paonyi nɛmɔ.
2 Kanga ɔngɔnyi la ose wola fɔnaka* lo dikambo nɛ:
Jehowa mbakaasale vɔ akɔ 2.+
3 Kanga yewo atɛnaka waale, ko nde atoyashɛka,Koko onto lahatahokɔ akambo atotshɔka tsho, ko atodiɛnɛka la etombelo wa kɔlɔ.*
4 Etombelo w’oma l’okitshakitsha ndo wɔma wa JehowaEle ɛngɔnyi, lotombo ndo lɔsɛnɔ.+
5 Atɛndɛ la tolonga mongaka lo mboka ka kanga okadi,Koko onto tshɛ lɔsa lɔsɛnɔ lande* la nɛmɔ manganaka etale oma lɔkɔ.+
6 Etsha ɔna* lo mboka kahombande ntshɔ;+Kaanga lam’ayondonga opalanga nde hatokitakɔ.+
7 Kanga ɔngɔnyi mbolɛka ose wola,Ndo ɔsɔmbi ekɔ mfumbe k’ɔsɔndjanyi.+
8 Onto tshɛ lonɛ akambo wa kɔlɔ ayona mpokoso,+Ndo okalemba w’odudu ande wayokoma l’ekomelo+ kawɔ.
9 Kanga lokaho* ayɔtshɔkwama,Nɛ dia nde kahanaka mbo ya ndɛ yande la ose wola.+
10 Tshanya kanga lɔsɔkɔ,Ko owanu wayoshila;Ewanu* la ntɛngɔ yayokomɛ.
11 Onto lalanga otema wa pudipudi ndo lele la ɛtɛkɛta w’amɛnaAyonga ɔngɛnyi wa nkumekanga.+
12 Washo wa Jehowa namaka ewo,Koko Nde mbitolaka ɛtɛkɛta wa kanga lokeso.+
13 Kanga nɛndɛ mbutaka ate: “Ntambwɛ kekɔ l’andja!
Dimi layodiakema l’atei wa shinga!”+
14 Onyɔ wa womoto lele la lɔkɛwɔ la mindo* wekɔ difuku di’ɔhɔngɔ.+
Onto laanyema oma le Jehowa ayotambɛ lɔkɔ.
15 Awui w’enginya kelekama lo otema w’ɔna dikɛnda,+Koko ɔhɛhɛla w’ohokwelo ayowanya etale oma le nde.+
16 Onto lakesa ose wola dia mfudia ɔngɔnyi+ andeNdo onto lasha kanga ɔngɔnyi weshashaAyokomɛ lo monga wola.
17 Hokɛ toyi diayɛ ndo hokamɛ ɛtɛkɛta wa akanga wa lomba,+Dia wɛ mbɛdiya otema ayɛ lo ewo+ kami,
18 Nɛ dia ekɔ dimɛna mbalama etale l’etei kayɛ,+Dia vɔ tshɛ mongaka tena tshɛ lo ɛlɔmɔ ayɛ.+
19 Dia wɛkamu ayɛ monga le Jehowa,Mbakoshami ewo ɛlɔ.
20 Shi dimi lakashile kofundɛ,Lo kosha alako ndo ewo,
21 Dia ketsha ɛtɛkɛta wa mɛtɛ ndo w’eshika,Dia wɛ nkalola la alapɔlɔ wa mɛtɛ le ɔnɛ lakakotome?
22 Tɔkɔsɔlake ose wola ɛngɔ l’ɔtɛ wende ose wola,+Ndo tominolake mbolambola la soko di’osomba,+
23 Nɛ dia Jehowa ndamɛ ayowaswɛlɛ+Ndo nde ayɔsa lɔsɛnɔ* la wanɛ waakesa.
24 Tekesanɛke la onto ladɔdɔ la nkɛlɛNdo tongake kaamɛ la kanga yomalomala,
25 Diaha wɛ ndjeka mboka yandeNdo ndjoyatadia*+ lo djonga.
26 Tongake l’atei w’anto wasutshasutsha anya awɔ lo diokanelo,Wakimɔ ɛngɔ ɔkɔlɛ l’ɔtɛ wa abasa.+
27 Naka wɛ ndooko la ɛngɔ ka mfuta,Wayɔsa mbeto ketamiyɛ!
28 Tɔsɛkɔlake olelo w’edjedjaWakatadjisha watshɛyɛ.+
29 Onde wɛ ambɛnaka onto lakamba olimu ande dimɛna?
Nde ayemala la ntondo ka nkumi ya dikanga;+Nde hatemala la ntondo ka anto k’anto.
Nɔtɛ ka l'ɛse ka dikatshi
^ Tshɛk., “Lokolo l’ɔlɔ.”
^ Kana “Lokumu l’ɔlɔlɔ.” Tshɛk., “Lokombo.”
^ Tshɛk., “pomanaka.”
^ Kana “atosowaka.”
^ Kana “anima.”
^ Kana “dikɛnda; ɔlɔngɔlɔngɔ.”
^ Tshɛk., “Ɔnɛ lele la sso dia dimɛna.”
^ Kana “Dombo.”
^ Kana “ayɔkɔsɔla anima.”
^ Kana “ndjotadia anima ayɛ.”
