Tokedi 25:1-28
25 Ɔnɛ nto ekɔ tokedi ta Sɔlɔmɔna+ takasangola* ekambi wa Hɛzɛkiya+ nkumekanga ka Juda:
2 Nama dikambo sheke+ ekɔ lotombo la Nzambi,Ndo nyangiayangia dikambo ekɔ lotombo la nkumi ya dikanga.
3 Oko wele olongo tanga ndo nkɛtɛ ɔhɔngɔ,Ngasɔ mbele otema wa nkumi ya dikanga hawomanema mfundo.
4 Nya mindo oma lo mfɛsa,Ko tɔ kayɛdiama+ tshɛ lo tshɛ.
5 Nya kanga kɔlɔ oma lale nkumekanga,Ko kiti kande ka lowandji kayoshikimala nge lo losembwe.+
6 Toyashake kɛnɛmɔ la ntondo ka nkumekanga,+Ndo todjasɛke l’atei w’anto wa lokumu,+
7 Nɛ dia ndeka dimɛna nde kotɛ ate: “Dɛ lendo,”
Lo dihole dia nde kosha nsɔnyi lale ɛlɔhɛ.+
8 Tosamanyake dia nombola la onto,Nɛ dia kakɔna kayoyosala l’ɔkɔngɔ naka wonyayɛ ambokosha nsɔnyi?+
9 Sawola la wonyayɛ+ dikambo diasayɛ la nde,Koko tosholake kɛnɛ kakawakotɛ lo sheke,*+
10 Diaha ɔnɛ lahokamɛ ndjokosha nsɔnyiNdo diaha dianganya awui wa kashi* wahakoke kaloyama.
11 Oko elowa wa pɔmɛ ya paonyi lo efundelo wa mfɛsaNgasɔ mbele dui diotami lo etena kahombama.+
12 Oko zama dia paonyi ndo ɛlɛngalɛnga ka paonyi ka dimɛnaNgasɔ mbele kanga lomba lahangɔ le toyi diahokamɛ.+
13 Oko tshitshi ka loonge l’ekama lo lushi la dinelaNgasɔ mbele ɔkɛndji wa kɔlamelo le wanɛ wakootome,Nɛ dia nde mbututadiaka nkumɛnde.*+
14 Oko wange ndo oko lɔpɛpɛ lahela ndooko mvulaNgasɔ mbele onto lafuna dikambo dia woshasha wahandakimɔki pondjo.*+
15 Oma lo solo dia lotutsha, ɔnɔmbɔdi nɛndjamaka,Ndo ɛtɛkɛta wa mpɛ* kokaka mbɔkɔla weka.+
16 Naka wɛ ambotana osanga, lɛka paka yema yeyɛ l’ohomba,Naka wɛ mbɔsa efula amboleka, wɛ mbeyaka ndjootowɔ.+
17 Lokolo layɛ latolekake nkoma lo luudu la wonyayɛ,Diaha nde ndjokohekɔ ndo ndjokohetsha.
18 Oko hiembe ya ta, lokuwa la ta ndo lohito l’ɔsɔngɔMbele onto lata awui wa kashi lo dikambo dia wonyande.+
19 Oko nnu diambongɔ kana lokolo lahashikikalaNgasɔ mbele wɛkamu le onto lahawakoke ndjaɛkɛ* le nde lo tena dia paa.
20 Oko onto lakolola dihɔndɔ lushi la tshitshiNdo oko wanu w’okayi wambowotshola lo omandja*Ngasɔ mbele onto lembɛ otema wele la lonyangu osambo.+
21 Naka otunyi ayɛ* ekɔ la ndjala, shande mbo ya ndɛ;Naka nde ekɔ la mposa k’ashi, shande ashi wa nnɔ,+
22 Nɛ dia lo nsala ngasɔ, wɛ ayowahɛ akalanga wa dja l’ɔtɛ,*+Ndo Jehowa ayokofuta.
23 Lɔpɛpɛ l’oma lo nɔrdɛ mbelaka mvula,Ndo lolemi la vate vate mbelaka elungi ka nkɛlɛ.+
24 Ndeka dimɛna mbidjasɛ lo tshuku dia nsambe ka luuduLo dihole dia mbidjasɛ luudu ɔtɔi la wadi la londjo.+
25 Oko ashi wa tshitshi le anima* wambɔlɛmbaNgasɔ mbele alapɔlɔ wa dimɛna w’oma lo wodja w’etale.+
26 Oko ɛtɛkɔ kambofundjama ndo oshima wambolanyemaNgasɔ mbele onto ɔlɔlɔ layasha le* kanga kɔlɔ.
27 Bu dimɛna ndɛ osanga+ efula amboleka,Kana ndjayangɛ lotombo.+
28 Oko osomba wambohandjɔ, waha la lokombo,Ngasɔ mbele onto lahayakimɛ.*+
Nɔtɛ ka l'ɛse ka dikatshi
^ Kana “takasangola ndo takasanganya.”
^ Kana “toseke ta anto akina.”
^ Kana “vate vate ya kɔlɔ.”
^ Kana “anima wa nkumɛnde.”
^ Tshɛk., “woshasha wa kashi.”
^ Tshɛk., “lolemi la wɔdu wɔdu.”
^ Kana ondo “kanga lokeso.”
^ Kana “lombo.”
^ Tshɛk., “ɔnɛ lakohetsha.”
^ Mbuta ate mbowetɛ wɔduwɔdu ndo ndɛlɔla awui ande wa wolo.
^ Enda Elembetshielo.
^ Kana “mbokana la nde.” Tshɛk., “tshingatshinga la ntondo.”
^ Kana “lahayakimɛ lo yimba yande.”
