Tokedi 28:1-28
28 Akanga wa kɔlɔ ndawɔka etena kele ndooko onto latawatshanya,Koko anto w’ɛlɔlɔ mongaka l’eshikikelo oko ntambwɛ.*+
2 Etena konga kɔlɔ* lo wodja, ewandji wayotahɔnaka tsho,+Koko la ekimanyielo ka kanga shɛnɔdi ndo ewo, owandji* ayotshikala edja.+
3 Ose wola lakesa tombolambola+Ekɔ oko mvula kɔɔmba mbo ya ndɛ tshɛ.
4 Wanɛ watona ɛlɛmbɛ tombolaka kanga kɔlɔ,Koko, wanɛ wakitanyiya ɛlɛmbɛ mbaomalɛka.+
5 Anto wa kɔlɔ hawokoke nshihodia losembwe,Koko wanɛ wayanga Jehowa koka nshihodia akambo tshɛ.+
6 Ndeka dimɛna monga ose wola lakɛndakɛnda l’olowanyiLo dihole dia monga kanga ɔngɔnyi lele la mboka ya wɛngɛngɛ.+
7 Ɔna la yimba kitanyiyaka ɛlɛmbɛ,Koko, ɔngɛnyi wa akanga wa lɔtɔmɔ mbishaka she nsɔnyi.+
8 Onto lafudia ɔngɔnyi ande oma lo wahɔ+ ndo wahɔ wa lokesoMɔtshɛka ɔnɛ loka ase wola kɛtshi ɔngɔnyi akɔ.+
9 Ɔnɛ latona mpokamɛ ɛlɛmbɛKaanga dɔmbɛlɔ diande diekɔ wɔnɔnyi.+
10 Ɔnɛ latonganyiyaka onto ɔlɔlɔ lo mboka ka kɔlɔ, ayotambɛ lo difuku diande hita,+Koko ɔnɛ laha la onongo ayokita kɛnɛ kele ɔlɔlɔ.+
11 Kanga ɔngɔnyi ndjaɔsaka kanga lomba lo washo ande hita,+Koko ose wola lele la shɛnɔdi koka mbɔsɛdingola.+
12 Etena kadja anto w’ɛlɔlɔ otshumba, lotombo l’efula mongaka,Koko etena kadiyama akanga wa kɔlɔ lo lowandji, anto ndjashɛka.+
13 Ɔnɛ lashɛ kɔlɔ yande hatolowana,+Koko ɔnɛ lashola ndo latshika kɔlɔ yande ayokama kɛtshi.+
14 Ɔngɛnɔngɛnɔ le onto lambalɛ wonya tshɛ,*Koko onto tshɛ lakeketsha otema ande ayɔkɔ lo mpokoso.+
15 Oko ntambwɛ kadikita ndo oko laondo layakungusɔNgasɔ mbele omboledi wa kɔlɔ le anto waha la okimanyedi.+
16 Ɔnɔmbɔdi wele bu la shɛnɔdi kambaka la lowandji lande lo yoho ya kɔlɔ,+Koko ɔnɛ lahetsha wahɔ wa lokeso ayotaloya lɔsɛnɔ+ lande.
17 Onto lele la wotsho wa onongo wa dikila l’ɔtɛ wakandɔshi lɔsɛnɔ* l’onto ɔmɔtshi, ayotetemala ndawɔ polo lo diombo.*+
Onto atoosukɛke.
18 Ɔnɛ lakɛndakɛnda aha l’ɛkɔmɔ ayoshimbamɛ,+Koko ɔnɛ lele la mboka ya wɛngɛngɛ ayɔkɔ la shashimoya.+
19 Onto lakamba ekambɔ kande ayonga la mbo ya ndɛ efula,Koko onto lawesa diangɔ di’anyanya ayodiɛnɛ la wola.+
20 Kanga kɔlamelo ayolongola ɛtshɔkɔ efula,+Koko ɔnɛ lasamanya dia nkondja ɔngɔnyi hatotshikala aha l’onongo.+
21 Keema dimɛna monga la shɔnɔdi;+Koko onto mbeyaka pembama dia nsala kɔlɔ l’ɔtɛ wa yangɔ ya ndɛ.
22 Kanga ɔkɔmiya* kombolaka ɔngɔnyi,Aha la mbeya dia nde ayonga wola.
23 Onto tshɛ lahangwɛ onto+ okina ayohomɔ lokolo l’ɔlɔ+ l’ɔkɔngɔ dikoOleki onto latɛtɛmɔla la lolemi lande.
24 Onto tshɛ lava she la nyango ndo lata ate: “Keema kɔlɔ,”+
Ekɔ ɔngɛnyi wa ɔnɛ latonga elanyelo.+
25 Kanga lokaki* tongaka owanu,Koko onto tshɛ layaɛkɛ le Jehowa ayɔngɔna.*+
26 Onto tshɛ layaɛkɛ lo otema ande hita ekɔ enginya,+Koko ɔnɛ lakɛndakɛnda la lomba ayohandɔ.+
27 Onto lakahɛ ose wola hatohomba ndooko ɛngɔ,+Koko ɔnɛ lawadihɛ washo ayolongola mananu efula.
28 Etena kadiyama akanga wa kɔlɔ lo lowandji, onto ndjashɛka,Koko etena kalanyemawɔ, anto w’ɛlɔlɔ fulaka.+
Nɔtɛ ka l'ɛse ka dikatshi
^ Kana “ɔsɔngɔ wa ntambwɛ.”
^ Kana “ɔtɔmbɔkwɛlɔ.”
^ Tshɛk., “nde.”
^ Kana “ɔnɛ latokaka wɔma tena tshɛ.”
^ Kana “la dikila dia anima.”
^ Kana “difuku.”
^ Kana “lokaki.”
^ Kana ondo “Anima wele la otako.”
^ Tshɛk., “ayonga la wata.”