Tokedi 3:1-35
3 Ɔnami, tohɛke wetshelo* ami,Ndo otema ayɛ walamake ɛlɛmbɛ ami,
2 Nɛ dia vɔ wayokokotshɛ nshi efulaNdo ɛnɔnyi wa lɔsɛnɔ ndo wɔladi.+
3 Tetawɔke dia ngandji ka kɔlamelo ndo kɔlamelo* kotshika.+
Kelekawɔ lo nkingo kayɛ;Fundawɔ lo ehase k’otema ayɛ;+
4 Ko wɛ ayohomɔ lokolo l’ɔlɔ ndo ayonga la shɛnɔdi ya dimɛnaLo washo wa Nzambi ndo w’anto.+
5 Yaɛkɛ le Jehowa+ la otema ayɛ tshɛ,Tɛkamake yimba yayɛ hita.+
6 Lo mboka yayɛ tshɛ kowodjake yimba,+Ko nde ayokosembolɛ ɛsɛsɛ ayɛ.+
7 Toyalake kanga lomba lo washo ayɛ hita.+
Oka Jehowa wɔma ndo kadimɔ oma lo kɔlɔ.
8 Dui sɔ diayonga ɛkɔnwɛlɔ lo demba* diayɛNdo ekeketshelo dikambo dia weka ayɛ.
9 Ɔlɛmiya Jehowa la diangɔ diayɛ dia nɛmɔ,+La ɛlɔnga* w’oma lo diangɔ diayɛ tshɛ;*+
10 Ko mvudu yayɛ ya waombelo yayolola tɔɔ,+Ndo mbaka* yayɛ ya weke yayofukɔfukɔ la wanu w’eyoyo.
11 Ɔnami, totonake ohokwelo wa Jehowa,+Ndo tohetshake lohango lande,+
12 Nɛ dia Jehowa pangwɛka wanɛ wokande ngandji,+Oko watosalɛka ombutshi wa pami ɔnande langɛnangɛnande.+
13 Ɔngɛnɔngɛnɔ le onto latana lomba+Ndo onto lakondja shɛnɔdi;
14 Likondja ndeka nkondja mfɛsa dimɛna,Ndo monga la lɔ ekɔ la wahɔ efula ndeka monga la paonyi.+
15 Lɔ ndeka kɔrai* nɛmɔ;Ndooko ɛngɔ kakombolayɛ kakoka mbɛdikama la lɔ.
16 Lɔsɛnɔ l’otale lekɔ lo lonya lalɔ l’omi;Ɛngɔnyi la lotombo wekɔ lo lonya lalɔ la lɔmɔsɔ.
17 Mboka yalɔ yekɔ amɛna,Ndo ɛsɛsɛ alɔ tshɛ wekɔ la wɔladi.+
18 Lɔ lekɔ osongo wa lɔsɛnɔ le wanɛ walikondja,Ndo wanɛ walikukutɛ wayelamɛ akanga w’ɔngɛnɔngɛnɔ.+
19 Jehowa akashikikɛ nkɛtɛ lo lomba+ lande.
Nde akashikikadia olongo nge lo shɛnɔdi+ yande.
20 Oma lo ewo kande, afuku w’ashi wakaatɔnaNdo olongo woludi la wange wakakɔsha lɔpɔpɔ.+
21 Ɔnami, tonyake yimba oma lɔkɔ.*
Lama lomba l’oshika ndo dikoka di’ekanelo ka yimba;
22 Vɔ wayokosha* lɔsɛnɔNdo wayonga ɛlɛngalɛnga lo nkingo kayɛ;
23 Ko wɛ ayɔkɛndakɛnda lo mboka kayɛ la ki,Ndo lokolo layɛ halotakanaki pondjo.*+
24 Wɛ ayetamaka aha la mboka wɔma;+Wɛ ayetamaka ndo djɔ yayɛ yayongaka ɔlɔ oto.+
25 Wɛ hatoka ndooko dui dia shashimoya wɔma+Kana lɔpɛpɛ la wolo laya le akanga wa kɔlɔ.+
26 Nɛ dia Jehowa ayonga kiɔkɔ ya wɛkamu ayɛ;+Nde ayolama lokolo layɛ diaha lɔ mindama.+
27 Todimake anto ɛngɔ k’ɔlɔlɔ kahombayɛ mbasha*+Naka wɛ ekɔ la akoka* wa nkimanyiya.+
28 Totɛke wonyayɛ wate: “Tshɔka koye l’ɔkɔngɔ! Dimi layokoshatɔ loyi,”
Naka wɛ kokaka mboshatɔ wonya ɔnɛ.
29 Todjake sheke dia salɛ wonyayɛ kɔlɔ+Etena kasɛnande lo lotui tshitshi kaamɛ la yɛ.
30 Towanake la onto owanawana+Naka nde hakosale ndooko dui dia kɔlɔ.+
31 Tɔkɔmiyake kanga ngala+Ndo tɔsɔnake mboka kande,
32 Nɛ dia Jehowa petshaka kanga okadi,+Koko nde ekɔ ɔngɛnyi wa ma ma la anto wosembwe.+
33 Mananu ka Jehowa kekɔ lo luudu la kanga kɔlɔ,+Koko nde tshɔkɔlaka ngelo k’anto w’ɛlɔlɔ.+
34 Nɛ dia nde mbɔlaka asɔkanyi,+Koko nde pomuyaka akanga wa memakana lokolo l’ɔlɔ.+
35 Akanga wa lomba wayokita kɛnɛmɔ,Koko akanga wa dinginya tombolaka nsɔnyi.+
Nɔtɛ ka l'ɛse ka dikatshi
^ Kana “ɛlɛmbɛ.”
^ Kana “mɛtɛ.”
^ Tshɛk., “ototo.”
^ Kana “diangɔ dioleki amɛna.”
^ Kana “ekondjelo kayɛ.”
^ Kana “wamula w’elowa.”
^ Enda Elembetshielo.
^ Ondo mendanaka la waonga waki Nzambi wɔtɛkɛtami lo avɛsa wa la diko.
^ Kana “wayosha anima ayɛ.”
^ Kana “halotɔkɔmama lo ɛngɔ kɛmɔtshi.”
^ Kana “ekɔ la wolo lo lonya layɛ.”
^ Kana “wahomba kilongola.”