Tokedi 30:1-33
30 Losango la wotsho latanema lo ɛtɛkɛta wa Angura ɔna Jakɛ wakandatɛ Itiyɛlɛ, Itiyɛlɛ nde la Ukala.
2 Dimi lekɔ enginya ndeka anto akina tshɛ,+Ndo dimi bu la yimba yahomba monga l’onto.
3 Dimi kombeka lomba,Ndo dimi bu la ewo ka Ɔnɛ loleki Ekila.
4 Akɔna akadɛ l’olongo ko nde mpolɔ?+
Akɔna akakukɛ lɔpɛpɛ lo awambo w’anya ande?
Akɔna akɔɔmbɛ ashi lo dihɔndɔ diande?+
Akɔna akashikikɛ* tokoma tshɛ ta nkɛtɛ?+
Ele lokombo lande ndo lokombo l’ɔnande, naka wɛ mbeyaka?
5 Ɛtɛkɛta tshɛ waki Nzambi wekɔ pudipudi.+
Nde ekɔ engawo le wanɛ wayashɛ le nde.+
6 Tokotshake ndooko dui lo ɛtɛkɛta ande,+Diaha nde ndjokohangwɛ,Ndo wɛ ndjonga kanga kashi.
7 Akambo 2 mbakɔlɔmbami.
Tonyimakewɔ la ntondo ka dimi mvɔ.
8 Nya lokeso ndo kashi etale oma le mi.+
Tombetɛke wola kana kanga ɔngɔnyi.
Ontshike tsho ndɛke yema ya mbo ya ndɛ+ yami,
9 Diaha dimi ndjolota ko ndjokanguna ndo ndjota nte: “Akɔna ele Jehowa?”+
Ndo tombetɛke ose wola diaha dimi ndjova ko ndjosha* lokombo la Nzambi kami nsɔnyi.
10 Tomamatanyɛke ose olimu le nkumɛnde,Nde mbeyaka ndjokodja mananu, ko wɛ ndjonga la onongo.+
11 Ekɔ lɔlɔnga lɔmɔtshi ladja shɛwɔ mananuNdo lahatshɔkɔla nyangɛwɔ.+
12 Ekɔ lɔlɔnga lɔmɔtshi lele pudipudi lo washo+ awɔ hitaKoko watɛdiama oma lo mindo* yawɔ.
13 Ekɔ lɔlɔnga lɔmɔtshi lele la washo wa lotamanyaNdo washo awɔ fɔnaka l’otako+ efula!
14 Ekɔ lɔlɔnga lɔmɔtshi lele wanyu awɔ wekɔ tokuwa ta taNdo manga yawɔ yekɔ tokuwa tadiakawɔ nyama;Vɔ ndɛka tombolambola ta la nkɛtɛNdo ase wola oma l’atei w’anto.+
15 Nsondjo yekɔ l’ana 2 wa wamato walela vate: “Ombisha! Ombisha!”
Ekɔ diangɔ 3 diahalote,Diangɔ 4 diahataka pondjo ɔnɛ: “Ambokoka!”
16 Diombo*+ la dikundju dia womoto l’ekomba,Ɛtshi ka nkɛtɛ kele bu la ashi,Ndo dja yahataka pondjo ɔnɛ: “Ambokoka!”
17 Sso diasɔka she ndo diɔnyɔla nkitanyiya nyango+Angwangwa wa l’okidi wayodikundola,Ana wa mpongo wayodilɛ.+
18 Ekɔ akambo 3 wahamashihodia,*Akambo 4 wahamamane mfundo:
19 Mboka katetaka mpongo l’olongo,Mboka katetaka oloyi laadiko dia dive,Mboka katetaka masuwa lo ndjale ka hwe,Ndo mboka ka pami kaamɛ la osekaseka wa womoto.
20 Nganɛ mbatotshaka womoto kanga loseka:
Nde ndɛka ko nkitola onyɔ ande;Oma laasɔ nde mbutaka ate: “Ndooko dui dia kɔlɔ+ diosadimi.”
21 Ekɔ akambo 3 wasutshasutsha nkɛtɛAkambo 4 wahayakoke mbikikɛ:
22 Etena kolɛ mfumbe oko nkumekanga,+Etena kalɛ kanga enginya mbo ya ndɛ efula,
23 Etena katshukama womoto lahetshama,*Ndo etena kɔsa ose olimu wa womoto dihole dia* nkumɛnde ka womoto.+
24 Diangɔ 4 dia la nkɛtɛ nɛ diekɔ l’atei wa diangɔ dioleki totshitshɛ,Koko diɔ diekɔ la lomba la lootɔ:*+
25 Tɔnɔna keema ditongami dia wolo,*Koko tɔ nɔngɔsɔlaka mbo ya ndɛ lo eleko k’ɔwɔ.+
26 Diwoka dia lo ave+ keema ditongami diele la nkudu,*Koko diɔ salaka luudu ladiɔ lo ave.+
27 Akata w’ɛndjɔ+ keema la nkumekanga,Koko vɔ tshɛ tshɔka otsha la ntondo lo leemba.*+
28 Lokudi la jeko+ matemaka la ekolo alɔ,Ndo lɔ tshɔka lo luudu la nkumekanga.
29 Ekɔ diangɔ 3 diatotakolaka wanya w’etale lo yoho ya diambo,Diangɔ 4 diatɔkɛndakɛndaka lo yoho ya diambo:
30 Ntambwɛ, ɔnɛ loleki wolo l’atei a waa nyama,Tɔ halawɔ ndooko onto;+
31 Mfɔ ka nsanga etale; wombe a mbudi;Ndo nkumekanga kele kaamɛ la asɔlayi ande.
32 Naka wɛ amboyadiya+ lo yoho y’enginyaKana naka wɛ ambokongɛ dia nsala ngasɔ,Diha lonya layɛ lo onyɔ ayɛ.+
33 Nɛ dia oko watondja abɛlɛ w’ekama matɛkaNdo watondja ohinelo w’ɔhɛmbɛ dikila,Ngasɔ mbele wodiyelo wa nkɛlɛ tondjaka ewanu.+
Nɔtɛ ka l'ɛse ka dikatshi
^ Tshɛk., “akatondja.”
^ Kana “ndjɔlɔsha.”
^ Tshɛk., “tumi.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “wele diambo efula le mi.”
^ Kana “lahalangema.”
^ Kana “kahɛna.”
^ Kana “diekɔ la lomba la mamba.”
^ Tshɛk., “anto wele bu la wolo.”
^ Tshɛk., “anto wele keema la nkudu.”
^ Kana “kahanyema lo elui.”