Tokedi 4:1-27
4 Anami, nyohokame ohokwelo wa shɛnyu;+Nyodje yimba dia nyu nkondja yimba,
2 Nɛ dia dimi layonyosha wetshelo w’ɔlɔlɔ;Tanyɔsɛkake wetshelo*+ ami.
3 Dimi laki ɔna la mɛtɛ le papa+Ndo ɔnɛ lakalekaka nangema le mama.+
4 Nde akambetsha ndo akambutɛ ate: “Otema ayɛ wakukute ɛtɛkɛta+ ami.
Olame ɛlɛmbɛ ami dia wɛ ntetemala nsɛna.+
5 Okondja lomba, okondja yimba.+
Tohɛke ndo totakɔke kɛnɛ katami.
6 Tɔsɛkake lomba, ko lɔ layokokokɛ.
Langalɔ, ko lɔ layokolama.
7 Lomba lekɔ ɛngɔ koleki ohomba,+ ɔnkɔnɛ kondja lomba,Ndo lo kɛnɛ tshɛ kakondjayɛ, kondja yimba.+
8 Ɔsalɔ la nɛmɔ di’efula, ko lɔ layokodiya.+
Lɔ layokosha nɛmɔ, nɛ dia wɛ ambolikondja.+
9 Lɔ layokitsha ekata ka dimɛna k’alɛmbɔlɛmbɔ l’ɔtɛ ayɛ;Lɔ layokɔlɛnga la dɛmbɔ dia nkoso di’olangala.”
10 Ɔnami, hokamɛ ndo etawɔ ɛtɛkɛta ami,Ko ɛnɔnyi wa lɔsɛnɔ layɛ wayonga efula.+
11 Dimi layoketsha lo mboka ka lomba;+Dimi layokɔlɔmbɔla lo ɛsɛsɛ wa losembwe.+
12 Etena kakɛndakɛndayɛ, wanya ayɛ hawotohomana la wekamu;Ndo naka wɛ ndawɔ, wɛ hatotakana.
13 Kukutɛ ohokwelo; towokimɔke.+
Lamawɔ, nɛ dia vɔ mbele lɔsɛnɔ layɛ.+
14 Tɔtɔke lo mboka ka akanga wa kɔlɔ,Ndo tɔkɛndakɛndake lo mboka ka anto wa kɔlɔ.+
15 Ewɔtɔ ndo tetake lɔkɔ;+Kadimɔ oma lɔkɔ ndo lekanatɔ.+
16 Nɛ dia vɔ hawokoke ndala djɔ paka wambosala kɛnɛ kele kɔlɔ.
Vɔ hawolale djɔ paka wambɔkɔsha onto ɔmɔtshi.
17 Vɔ ndɛka mbo ya ndɛ y’oma lo akambo wa kɔlɔ,Ndo vɔ nɔka wanu w’oma lo awui wa ngala.
18 Koko mboka k’anto w’ɛlɔlɔ kekɔ oko osase wa pindjuWataleke ntetemala ngamɔ polo la yanyi ya tɛɛ.+
19 Mboka ka akanga wa kɔlɔ kekɔ oko wodjima;Vɔ haweye kɛnɛ kaatakanya.
20 Ɔnami, dja yimba lo ɛtɛkɛta ami;Hokamɛ la yambalo tshɛ* kɛnɛ katami.
21 Towanyake yimba;Lamawɔ etale l’etei k’otema+ ayɛ,
22 Nɛ dia vɔ wekɔ lɔsɛnɔ le wanɛ waatana+Ndo yoonge ya dimɛna lo demba diawɔ di’otondo.*
23 Laadiko dia diangɔ tshɛ dialamayɛ, olamake otema+ ayɛ,Nɛ dia oma lɔkɔ mbele tɔkɔkɔ ta lɔsɛnɔ.
24 Nya ɛtɛkɛta w’akadikadi oma le yɛ,+Ndo anganya asawo w’okadi etale oma le yɛ.
25 Washo ayɛ wendake tɛɛ otsha la ntondo,Eelo, oke washo* ayɛ la ntondo kayɛ.+
26 Lɔngɔsɔla* mboka k’ekolo ayɛ,+Ko mboka yayɛ tshɛ yayonga shikaa.
27 Tɛtɔlake lo l’omi kana lo lɔmɔsɔ.+
Kadimola ekolo ayɛ oma lo kɛnɛ kele kɔlɔ.
Nɔtɛ ka l'ɛse ka dikatshi
^ Kana “ɛlɛmbɛ.”
^ Tshɛk., “Hokɛ toyi diayɛ lo.”
^ Tshɛk., “lo emunyi awɔ tshɛ.”
^ Kana “washo wangamula.”
^ Kana ondo “Sɛdingola la yambalo tshɛ.”
