Tokedi 5:1-23
5 Ɔnami, dja yimba lo lomba lami.
Hokamɛ la yambalo tshɛ* shɛnɔdi+ yami,
2 Dia wɛ nama akoka ayɛ w’ekanelo ka yimbaNdo nama ewo lo ɛlɔmɔ+ ayɛ.
3 Nɛ dia ɛlɔmɔ wa womoto lele la lɔkɛwɔ la mindo* tɔngaka oko ehehe k’osanga,+Ndo onyɔ ande wekɔ ɔsɛlɔ ndeka esɔ.+
4 Koko l’ekomelo nde mongaka ololo oko nkondjo+Ndo mpɛmɔ oko lokuwa la mpɛmɔ wedi ehende.+
5 Ekolo ande polɔka otsha lo nyɔi.
Wanya ande tɔlaka otsha lo Diombo.*
6 Nde hakanyiya kaanga yema dikambo dia mboka ka lɔsɛnɔ.
Mboka kande mbekekɔka, koko nde heye dihole.
7 Anami le, nyompokameNdo tanyotakɔke oma lo kɛnɛ katami.
8 Angana etale la nde;Totshɔke suke la soko dia luudu lande,+
9 Diaha wɛ nkimɔ kɛnɛmɔ kayɛ le anto akina+Ndo ndjona ɛnɔnyi wa kɛnɛ kele esehe;+
10 Diaha angɛndangɛnda mbɔsa diangɔ*+ diayɛNdo kɛnɛ kakayakambe olimu wa wolo l’ɔtɛ wa ntshɔ lo luudu la kana.
11 Naka aha ngasɔ, kete wɛ ayokuma akumu lo ekomelo ka lɔsɛnɔ layɛLam’ayɔlɛmba emunyi ayɛ la demba diayɛ+
12 Ko wɛ mbuta wate: “Ande woho wakamahetsha ohokwelo lee!
Ande woho wakatone otema ami lohango lee!
13 Dimi kompokamɛ dui dia wanɛ wakandakanyaNdo kombidja yimba le embetsha ami.
14 Dimi laya suke la ndanyema tshɛ lo tshɛL’atei w’etshumanelo k’otondo.”*+
15 Nɔka ashi oma lo oshima ayɛ hitaNdo ashi wakɛla* oma lo ɛtɛkɔ kayɛ hita.+
16 Onde tɛkɔ diayɛ pombaka diangana l’andja,Ndo ɛkɛdi ayɛ w’ashi lo asanga a mboka+ wele anto efula?
17 Ombadiɔ dikambo diayɛ wɛmɛ,Ndo aha dikambo dia angɛndangɛnda wele kaamɛ la yɛ.+
18 Ɛtɛkɔ* kayɛ hita katshɔkwame,Ndo ɔngɛnangɛnake la wadi la lo nshi yayɛ y’ɔlɔngɔlɔngɔ,+
19 Lofumbɔ lalangema, mbudi ka l’akona+ ka dimɛna efula.
Awɛlɛ ande wakɔngɛnyangɛnyake* tena tshɛ.
Okotɔmake la ngandji kande wonya tshɛ.+
20 Laasɔ ɔnami le, lande na katoyokotɔma le womoto lele la lɔkɛwɔ la mindo*Kana nkumbatɛ ntolo ka womoto lele la lɔkɛwɔ la mindo?*+
21 Nɛ dia mboka y’onto yekɔ la ntondo ka washo wa Jehowa;Nde sɛndingolaka ɛsɛsɛ+ ande tshɛ.
22 Kanga kɔlɔ ambotala lo munga yande hita,Ndo nde ayondama lo ɛkɔdi wa pɛkato+ kande hita.
23 Nde ayovɔ l’ɔtɛ wende bu la ohokweloNdo ayonganɛ l’ɔtɛ w’enginya kande kamboleka.
Nɔtɛ ka l'ɛse ka dikatshi
^ Tshɛk., “Hokɛ toyi diayɛ lo.”
^ Kana “Sheɔlɛ,” mbuta ate odimu a pɛngando. Enda Elembetshielo.
^ Kana “wolo.”
^ Tshɛk., “L’atei wa losanganya la woke ndo w’etshumanelo.”
^ Kana “wa tshitshi.”
^ Kana “Kiɔkɔ y’ashi.”
^ Kana “wakodjoyake.”
