Tokedi 6:1-35
6 Ɔnami, naka wɛ akatshu osunge* dikambo dia wonyayɛ,+Naka wɛ akakimɔma lo anya w’ɔngɛndangɛnda,+
2 Naka wɛ akatale lo djonga l’ɔtɛ wa daka diayɛ,Akandama l’ɔtɛ wa ɛtɛkɛta w’oma lo onyɔ+ ayɛ,
3 Ɔnami le, sala nganɛ ndo yatshungola,Nɛ dia wɛ akakɔ lo anya wa wonyayɛ:
Tshɔka toyakitshakitsha ndo tɔsɛngɛsɛngɛ wonyayɛ+ aha la ntshimbatshimba.
4 Tetawɔke dia washo ayɛ ndala djɔ,Kana tɔkɔkadia ntɔki yayɛ.
5 Yatshungola oko mboloko oma lo anya wa mengenga,Oko fudu oma lo anya w’omambi wa tofudu.
6 Wɛ kanga nɛndɛ+ le, tshɔka le yɔnɔna;Sɛdingola woho wasalayɔ akambo, ko wɛ ayonga kanga lomba.
7 Kaanga mbeyɔ bu la owandji, kapita kana omboledi,
8 Yɔ nɔngɔsɔlaka mbo ya ndɛ lo eleko k’ɔwɔ,+Ndo yɔ mombaka mbo ya ndɛ lo nshi ya dinela.
9 Kanga nɛndɛ le, polo l’etena kakɔna kayoyetama?
Etena kakɔna kayoyemɔ oma lo djɔ yayɛ?
10 Yema ya djɔ, yema y’ɔtɔkɔkalo,Yema ya nkɔma anya dia momuya,+
11 Ko wola wayokoyɛ oko elengalenga,Ndo ehomba oko pami kele la dihomɔ dia ta.+
12 Onto l’anyanya ndo kanga kɔlɔ mbetetaka la ɛtɛkɛta w’akadikadi;+
13 Nde mamiyaka sso+ diande, salaka tolembetelo lo lokolo lande, ndo tosambo lo mpita yande.
14 La otema wa kɔlɔ,Wonya tshɛ nde kongɛka tokanyi ta kɔlɔ+ ndo tondjaka ewanu.+
15 Ɔnkɔnɛ mpokoso kande kayoya la shashimoya;Wonya wayondohembɔma aha la nde nkɔnɔ.+
16 Ekɔ akambo 6 wahetsha Jehowa;Ɛɛ, akambo 7 watondotonaka* vɔ anɛ:
17 Washo wa lotamanya,+ lolemi lata kashi,+ ndo anya wakɛdia dikila+ diaha la onongo,
18 Otema watodjaka toseke+ ta kɔlɔ ndo ekolo watolawɔka esadi esadi otsha lo kɔlɔ,
19 Ɔmɛnyi wa kashi watotaka kashi oko wahɛngande,+Ndo onto tshɛ latotondjaka ewanu l’atei wa anango.+
20 Ɔnami, nkitanyiya ɛlɛmbɛ wa shɔ,Ndo tɔsɛkake wetshelo* wa nyɔ.+
21 Dingakawɔ tena tshɛ lo otema ayɛ;Kelekawɔ lo nkingo kayɛ.
22 Lam’atayakɛndakɛnda, vɔ wayokɔlɔmbɔla;Lam’etamayɛ, vɔ wayemala dia kolamaka;Ndo lam’etɔyɛ, vɔ wayɔtɛkɛta la yɛ.*
23 Nɛ dia didjango diekɔ tala,+Ɛlɛmbɛ wekɔ osase,+Ndo lohango laki ohokwelo lekɔ mboka ka lɔsɛnɔ.+
24 Vɔ wayokolama oma le womoto la kɔlɔ,+Oma lo lolemi la lɔɔngɔ laki womoto lele la lɔkɛwɔ la mindo.*+
25 Tokombolake olangala ande l’otema+ ayɛNdo tetawɔke dia nde kokotola la omamiyelo ande wa washo,
26 Nɛ dia l’ɔtɛ wa womoto la numba, pami komaka oko yɛtshi ya mapa,+Koko wadi a kana mambaka lɔsɛnɔ* l’oshinga wolo djonga.
27 Onde onto koka nkitsha dja lo ntolo kande ko ahɔndɔ+ ande hawolongola?
28 Kana onde onto koka nkɛndakɛnda lo akalanga wa dja ko ekolo ande hawolongola?
29 Ngasɔ mbonga onto tshɛ leyana la wadi a kana;Ndooko onto lawonanda lahatolongola dilanya.+
30 Anto hawohetsha kanga woviNaka nde mbivaka dia ndjakotshɛ* ehomba ande etena kende la ndjala.
31 Ko naka wambowonda, nde ayofuta mbala 7;Nde ayokimɔ diangɔ tshɛ dia nɛmɔ dia lo luudu lande.+
32 Onto tshɛ lasala loseka la womoto bu la ekanelo k’ɔlɔlɔ;*Ɔnɛ lasala ngasɔ ndjaelaka elanyelo kande ndamɛ.*+
33 Nde ayokondja paka mpota la nsɔnyi,+Ndo nsɔnyi kande hatoshila.+
34 Nɛ dia kandjema mbishaka omi nkɛlɛ;Nde hatowoka kandji lam’ayondɔsɔmbɔya.+
35 Nde hatetawɔ ndooko ɛngɔ ka mengɔnya la dui sɔ;*Nde hatotshikala ki, oyadi woke akɔna wele la woshasha wayoyowosha.
Nɔtɛ ka l'ɛse ka dikatshi
^ Tshɛk., “ɔkɔlɛ.”
^ Kana “watotonaka anima ande.”
^ Kana “ɛlɛmbɛ.”
^ Kana “wayoketsha.”
^ Kana “anima.”
^ Kana “ndotsha anima ande.”
^ Tshɛk., “bu la otema.”
^ Kana “ka anima ande.”
^ Kana “oshinga w’etshungwelo.”