Tokedi 9:1-18
9 Lomba la mɛtɛ lakake luudu lalɔ;Lɔ lakasɛlɛ* dikundji dialɔ 7.
2 Lɔ lakalɔngɔsɔla onatshi alɔ tshɛ;*Lɔ lakasɔhanya wanu alɔ;Lɔ lakalɔngɔsɔla mɛsa alɔ.
3 Lɔ lakatome ekambi alɔ wa wamatoDia towelɛ oma lo dongolongo la diko di’osomba ɔnɛ:+
4 “Onto tshɛ lahatahokɔ akambo aye lanɛ.”
Nde mbutɛka ɔnɛ lele bu la ekanelo k’ɔlɔlɔ* ate:
5 “Yaka yole mapa amiNdo yɔnɔ wanu wakamasɔhanyisha.
6 Tshika womombe* ayɛ l’ɔkɔngɔ kele ntetemala nsɛna;+Tshɔka otsha la ntondo lo mboka ka yimba.”+
7 Onto langola ɔmɔnyɔdi nyangaka nsɔnyi,+Ndo onto tshɛ lahangwɛ kanga kɔlɔ ayohomɔ.
8 Tohangwɛke ɔmɔnyɔdi, nde atokokohetsha.+
Hangwɛ kanga lomba, ko nde ayokooka ngandji.+
9 Etsha kanga lomba, ko nde ayoleka monga la lomba.+
Etsha onto ɔlɔlɔ, ko nde ayofudia ewo kande.
10 Wɔma wa Jehowa kele etatelo ka lomba,+Ndo mbeya Ɔnɛ loleki Ekila+ mbele yimba.
11 Nɛ dia diɛsɛ la mi kayonga nshi yayɛ efula,+Ndo kayowokokotshɛ ɛnɔnyi wa lɔsɛnɔ layɛ.
12 Naka wɛ monga kanga lomba, wɛ ekɔ kanga lomba lo wahɔ ayɛ hita,Ko naka wɛ ekɔ ɔmɔnyɔdi, wɛmɛ kayɛmba dui sɔ.
13 Womoto l’enginya kele kanga londjo.+
Nde ekɔ womombe ndo heye ndooko ɛngɔ.
14 Nde mbidjasɛka la soko dia luudu landeLo nkɔsa lo ahole wa la diko w’osomba,+
15 Awelɛ wanɛ weta laawɔ,Wanɛ wakɛndakɛnda nsembɔ tɔɔ lo mboka kawɔ ate:
16 “Onto tshɛ lahatahokɔ akambo aye lanɛ.”
Nde mbutɛka wanɛ wele bu la ekanelo k’ɔlɔlɔ*+ ate:
17 “Ashi wa lova mbele amɛna,Ndo ndɛ diangɔ lo woshɛshɛ mbishaka ɔlɔ.”+
18 Koko nde heye dia wanɛ wele bu la wolo lo nyɔi wekɔ lɛkɔ,Dia angɛndangɛnda ande wekɔ lo ɛhɔngɔ wa Diombo.*+
Nɔtɛ ka l'ɛse ka dikatshi
^ Kana “lakakɔlɔnga.”
^ Tshɛk., “Lɔ lakadiake nyama kakalahombe ndjaka.”
^ Tshɛk., “bu la otema.”
^ Kana “wanɛ wahatahokɔ akambo.”
^ Tshɛk., “bu la otema.”
^ Kana “Sheɔlɛ,” mbuta ate odimu a pɛngando. Enda Elembetshielo.
