“Dibuku di’Ɛlɛmbɛ nɛ diatomɔke oma l’onyɔ ayɛ, ndo kodiadiake la dui di’ɔkɔkɛ la yanyi ndo l’otsho, dia wɛ nkitanyiya dimɛna dimɛna awui tshɛ wofundami lɔkɔ, nɛ dia lo nsala ngasɔ kayoyotondoya mboka kayɛ ndo kayoyosala akambo la lomba.”

Jashua 1:8

“Vɔ wakatetemala mbadia la dui dia wolo awui wa lo dibuku diakɔ, Ɛlɛmbɛ wa Nzambi ka mɛtɛ, waalembetshiya hwe ndo washa kitshimudi yawɔ; ɔnkɔnɛ, vɔ wakakimanyiya anto dia nshihodia kɛnɛ kakadiemaka.”

Nɛhɛmiya 8:8

“Ɔngɛnɔngɛnɔ le ɔnɛ lahakɛndakɛnda lo ndjela dako dia akanga wa kɔlɔ . . . , koko nde ngɛnangɛnaka lo ɛlɛmbɛ wa Jehowa, ndo nde mbadiaka ɛlɛmbɛ Ande la dui dia l’ɛse la yanyi ndo l’otsho.  . . . Kɛnɛ tshɛ kasalande kayolowana.”

Osambo 1:1-3

““Filipɛ akatalawɔka kaamɛ la tɔ ndo nde akoke ɔlɛnga akɔ atadia efundelo wa omvutshi Isaya la dui dia wolo, ko nde akate ate: ‘Onde wɛ mɛtɛ ekɔ lo nshihodia kɛnɛ katayadia?’ Nde akate ate: ‘Ngande mɛtɛ wayomoshihodia naka onto hambetshisha?’”

Etsha 8:30, 31

 “Waonga ande wahɛnama wekɔ lo mɛnama dimɛna oma lo etongelo k’andja, nɛ dia vɔ wekɔ lo mɛnama oma lo diangɔ diakatongama, kaanga wolo ande wa pondjo ndo woho wende Nzambi, lo yoho yahawakoke mbisha tɛkɛ nɛndɛ.”

Rɔmɔ 1:20

“Okanake yimba l’akambo asɔ. Oyashake tshɛ lɔkɔ dia ohamelo ayɛ mɛnama hwe le anto tshɛ.”

1 Timɔte 4:15

“Nyɛsɔ todjanake yimba dia tshutshuyana lo ngandji ndo lo etsha w’ɛlɔlɔ, tatotshikake sanganaka kaamɛ.”

Hɛbɛru 10:24, 25

“Naka onto ɔmɔtshi l’atei anyu ekɔ l’ohomba wa lomba, nde atetemale nɔmba Nzambi, ko nde ayowoshalɔ, nɛ dia la lokaho tshɛ nde mbishaka anto tshɛ aha la mbahangwɛ.”

Jakɔba 1:5