“Wɛ Bɛtɛlɛhɛma Efarata le, . . . oma le yɛ kayotomba ɔnɛ layonga omboledi lo Isariyɛlɛ.”

Mika 5:2

“L’ɔkɔngɔ wa Yeso mbotɔ la Bɛtɛlɛhɛma ka la Judeya lo nshi ya nkumekanga Hɛrɔdɛ, nyolonge, ambeyi w’akambo wa tɔɔtɔ w’oma lo Ɛstɛ wakaye la Jɛrusalɛma.”

Mateo 2:1

“Vɔ wambokahana ahɔndɔ ami lam’asawɔ, ndo vɔ wamboka owale dia mbɔsa dihɔndɔ diami.”

Osambo 22:18

“Lam’akakɔkɔla asɔlayi Yeso nsɛti l’otamba, vɔ wakɔshi ahɔndɔ ande wa laadiko ko wakakahanya lo elui 4 . . . Koko dihɔndɔ dia l’ɛse komonga la ɔtɛlɛlɔ, diɔ diaki la nsɔsɔ oma la diko polo l’ɛse. Ko vɔ wakatanɛ lam’asawɔ vate: ‘Tatodiatake, nyɛsɔ toke owale dia mbeya onto layodiɔsa.’”

Joani 19:23, 24

“Nde namaka weka ande tshɛ; ndooko kaanga ɔtɔi wakɔɔkɔ.”

Osambo 34:20

“Lam’akawaye le Yeso, vɔ wakɛnyi dia nde akashidi mvɔ, ko vɔ kombɔɔkɔla ekolo.”

Joani 19:33

“Nde akongɔma dikɔnga l’ɔtɛ wa kɔlɔ yaso.”

Isaya 53:5

“Ɔsɔlayi ɔmɔtshi akawoke dikɔnga ndo akootondola lohandju, ko mbala kakɔ ɔtɔi dikila la ashi wakatombe.”

Joani 19:34

“Vɔ wakamfute ekenga 30 wa mfɛsa.”

Zɛkariya 11:12, 13

“Oma laasɔ, ɔtɔi ɔmɔtshi wa l’atei w’apɔstɔlɔ 12, ɔnɛ lakawelɛka Judasɛ Iskariyɔtɛ, akatshu le ewandji w’ɛlɔmbɛdi ko akawambola ate: ‘Kakɔna kayonyombisha dia dimi mbokimɔ l’anya anyu?’ Vɔ wakate dia mbosha ekenga wa mfɛsa 30.”

Mateo 26:14, 15; 27:5