Anto efula hawoleke ndjaɛkɛ le wanɛ wele la lowandji. Sho koka mboka lande na kahawayaɛkɛ le wɔ. Anto efula wakakambe la lowandji lo wahɔ awɔ hita. (Mik 7:3) Tekɔ la lowando l’efula lo woho wetshama dikumanyi dia l’etshumanelo dia nkamba la lowandji lawɔ lo wahɔ w’ekambi wa Jehowa.—Ɛst 10:3; Mat 20:​25, 26.

Dikumanyi ntshikitana l’anto wele la lowandji l’andja ɔnɛ. Vɔ kambaka olimu awɔ oko emendji, nɛ dia vɔ mbokaka Jehowa ndo ekambi ande ngandji. (Jni 21:16; 1Pe 5:​1-3) L’ɛlɔmbwɛlɔ ka Yeso, alami w’ɛkɔkɔ asɔ kimanyiyaka opandjudi tshɛ dia ndjasukanya la Jehowa ndo ndjaoka dia nde ekɔ lo nkumbo k’atɛmɔdi ande. Vɔ mongaka suke dia nkeketsha ɛkɔkɔ wa Jehowa ndo mbakimanyiyaka etena kongawɔ l’ohomba w’esakelo ka wanyandja kana etena katomba mpokoso. Naka wɛ ekɔ l’ohomba w’ekimanyelo, shi wɛ koka mbelɛ ekumanyi kɛmɔtshi ka l’etshumanelo kanyu?—Jak 5:14.

NYENDE VIDƐO YELE L’ƆTƐ A DUI ƆNƐ: ALAMI WAYAKIYANYA LO DIKAMBO DI’EKƆKƆ NDO OMA LAASƆ, NYOKADIMOLE LO AMBOLA WAYELA ANƐ:

• Wahɔ akɔna wakakondja Mariana oma l’ekimanyelo kakawosha dikumanyi?

  Okadimwelo ayɛ

• Wahɔ akɔna wakakondja Elias oma l’ekimanyelo kakawosha dikumanyi?

  Okadimwelo ayɛ

• L’ɔkɔngɔ wa menda vidɛo nyɛ, ngande wayaokayɛ lo kɛnɛ kendana l’olimu wasala dikumanyi?

  Okadimwelo ayɛ