AKAMBO W’OHOMBA W’OMA L’ƆTƐKƐTA WA NZAMBI | JƆBƆ 1-5
Jɔbɔ akatshikala l’olowanyi la ntondo k’ehemba
Jɔbɔ akadjasɛka la Uzɛ l’etena kaki ase Isariyɛlɛ lo lɔhɔmbɔ l’Edjibito. Kaanga mbakinde komonga ose Isariyɛlɛ, Jɔbɔ aki ɔtɛmɔdi wa Jehowa wa kɔlamelo. Nde aki la nkumbo ka woke efula, aki la lomombo la l’emunyi efula ndo aki la shɛngiya le anto wa l’ɛtshi kande ka nkɛtɛ. Nde aki ondaki wa woke ndo shushi ya losembwe. Nde aki la lokaho le ase wola ndo le anto waki lo dihombo. Jɔbɔ aki onto laki l’olowanyi.
Jɔbɔ akɛnya hwe dia Jehowa mbaki onto loleki ohomba lo lɔsɛnɔ lande
-
Satana akɛnyi dia Jɔbɔ aki l’olowanyi. Nde kombidja taamu l’okitanyiya wa Jɔbɔ le Jehowa, koko nde akadje taamu l’eyango waki la Jɔbɔ
-
Satana akasɛmɛ dia Jɔbɔ akakambɛka Jehowa l’eyango wa lokaki
-
Dia nkadimola l’ɛsɔngwɛlɔ waki Satana ɛsɔ, Jehowa aketawɔ dia Satana nsoya pami ka kɔlamelo kɛsɔ. Kɛnɛ tshɛ kaki la Jɔbɔ, kakalanyema oma le Satana
-
Etena kakatshikala Jɔbɔ l’olowanyi ande, Satana akadje olowanyi w’anto tshɛ taamu
-
Jɔbɔ kosala pɛkato kana mɛndja Nzambi onongo l’akambo tshɛ wa kɔlɔ wakokomɛ
