Bɛnyɛlɔ dia mbɔtwɛlɔ
TSHOTO Y’ETANGELO
Dimbola: Oko le yɛ, naa woshasha woleki woke wakatosha Nzambi?
Divɛsa: Jni 3:16
Woho wa mbisha: Numɛlɔ kɛnɛ ka Tshoto y’Etangelo tɔtɔmiyaka lande na kele Nzambi akatome Yeso la nkɛtɛ dia ndjotovwɛ ndo woho wakokaso mɛnya lowando laso lo woshasha ɔsɔ.
DIOLELO DIAKI NZAMBI KƐDIKƐDI NA?
Dimbola: [Ɛnyande lohoso la traktɛ.] Okadimwelo akɔna wakokayɛ mbisha lo dimbola nɛ? Onde Diolelo diaki Nzambi ekɔ ɛngɔ kɛmɔtshi kele l’otema ayɛ? ɛtɛkɛta wa didjidji? ko kana lowandji lɔmɔtshi la l’olongo?
Divɛsa: Dan 2:44; Isa 9:6, nɔtɛ
Woho wa mbisha: Traktɛ kɛnɛ mɛnyaka shɛngiya yakoka monga la Diolelo diaki Nzambi le yɛ.
DIKATSHI DIA LEETA L’OYA LO EOHWELO
Woho wa mbisha: Tekɔ lo telɛ anto oya lo dui dimɔtshi di’ohomba efula. [Shande dikatshi dia leeta.] Lo Ngɔndɔ ka nɛi 11, miliyɔ y’anto wa l’andja w’otondo wayotshumana dia mbohɔ nyɔi ka Yeso ndo wayohokamɛ sawo di’oma lo Bible diayoshama ofele diayɛnya woho wele nyɔi kande koka monga la wahɔ le so. Dikatshi dia leeta nɛ mɛnyaka wonya ndo dihole diayosalema losanganya lɔsɔ lo ɛtshi kaso ka nkɛtɛ. Sho nongamɛka dia wɛ ayonga kaamɛ la so.
LƆNGƆSƆLA MBƆTWƐLƆ KAYƐ HITA
Kamba la tokanyi ta lo bɛnyɛlɔ dia la diko ndo dia nɔngɔsɔla mbɔtwɛlɔ kayɛ hita ka nkamba la tɔ l’olimu w’esambishelo.