Ngɔndɔ ka nɛi 29–Ngɔndɔ ka tanu 5
OSAMBO 34-35
Osambo 10 ndo dɔmbɛlɔ | Ɛtɛkɛta wa mbɔtwɛlɔ (Min. 1)
1. ‘Tombolaka Jehowa tena tshɛ’
(Min. 10)
Davidɛ akatombolaka Jehowa kaanga etena kakandahomanaka l’ekakatanu (Os 34:1; w07 3/1 23 od. 11)
Davidɛ akayafunaka le Jehowa, koko aha le nde ndaamɛ (Os 34:2-4; w07 3/1 26 od. 13)
Woho wakatombolaka Davidɛ Jehowa, akakeketsha angɛnyi ande (Os 34:5; w07 3/1 26-27 od. 15)
L’ɔkɔngɔ wa nde mimɔ oma laka Abimɛlɛkɛ, apami 400 waki kɔngɛnangɛna ɛlɔmbwɛlɔ ka nkumekanga Saulo wakayele Davidɛ l’oswe wa shɛnga. (1Sa 22:1, 2) Ondo Davidɛ akakanyiyaka dikambo di’apami asɔ etena kakandafunde Osambo ɔsɔ.—Os 34, ɛtɛkɛta wa l’etatelo k’Osambo.
YAMBOLA WATE, ‘Ngande wakokami ntombola Jehowa etena kasawolami l’onto ɔmɔtshi l’ɔkɔngɔ wa losanganya la l’etshumanelo?’
2. Diangɔ di’oshinga wolo dia lo nyuma
(Min. 10)
-
Os 35:19—Kakɔna kakalange Davidɛ mbuta etena kakandalɔmbɛ di’aha wanɛ wohetsha ‘mbɔhɛnɔlɛ washo’? (w06 6/1 31 od. 10)
-
Naa diangɔ di’oshinga wolo dia lo nyuma di’oma lo wadielo wa Bible wa lomingu lɔnɛ dialangayɛ nkahana l’anto akina?
3. Wadielo wa Bible
(Min. 4) Os 34:1-22 (th wekelo 5)
4. Woho wa ntatɛ sawo l’onto
(Min. 2) ESAMBISHELO KA LO TSHAKITUDI. Sawo diambokomɛ aha la wɛ nsambisha. (lmd wekelo 1 dui di’ohomba 4)
5. Wesa nsaki kɛnyisha onto
(Min. 4) ESAMBISHELO KA LO TSHAKITUDI. (lmd wekelo 2 dui di’ohomba 4)
6. Lembetshiya dietawɔ diayɛ
(Min. 5) Wɛnyɛlɔ. Ijwfq-F 59—Ɔtɛ a dui: Kakɔna kasala Ɛmɛnyi wa Jehowa dia nshikikɛ dia kana fɛtɛ kɛmɔtshi kekɔ dimɛna kana kɔlɔ? (th wekelo 17)
Osambo 59
7. Toho tosato ta ntombola Jehowa lo nsanganya
(Min. 15) Ɔkɛtshanyelo.
Nsanganya ya l’etshumanelo toshaka waaso w’amɛna wa ntombola Jehowa. Waaso ɛmɔtshi esato vɔ ɛnɛ:
Asawo: Tɛkɛta di’ɔlɔlɔ wa Jehowa etena kasawolayɛ l’anto akina. (Os 145:1, 7) Onde wɛ akoke kana akadia dui dimɔtshi diakakokimanyiya? Onde wɛ ekɔ la dui dimɔtshi dia dimɛna diakahomana la yɛ l’esambishelo? Onde onto ɔmɔtshi akakokeketsha oma l’ɛtɛkɛta kana etsha ande? Onde wɛ akɛnyi ɛngɔ kɛmɔtshi l’etongelo kakakambiya? Awui asɔ tshɛ wekɔ weshasha w’oma le Jehowa. (Jak 1:17) Komaka minitɛ ngana la ntondo ka losanganya dia wɛ kondjaka etena ka nsawola l’anto akina.
Kɔmatɛrɛ: Sala la wolo dia mbisha kaanga kɔmatɛrɛ ɔtɔi lo losanganya tshɛ. (Os 26:12) Wɛ koka mbisha okadimwelo wosembwe tɔɔ lo dimbola kana mbisha kɔmatɛrɛ kekina lo dui dimɔtshi, lo divɛsa, l’osato kana mbisha wetshelo ɔmɔtshi. Lam’ele mbeyaka monga ko anto akina wayemɛka anya etena kemɛyɛ, lɔngɔsɔla kɔmatɛrɛ efula. Anto efula koka monga la diaaso dia ‘nambola Nzambi olambo wa lotombo,’ naka wɛ mbisha kɔmatɛrɛ kayɛ lo sekɔndɛ 30 kana l’ɛse.—Hɛb 13:15.
Esambo: Emba esambo wa Diolelo l’ɔngɛnɔngɛnɔ tshɛ. (Os 147:1) Mbeyaka monga ko wɛ hosha kɔmatɛrɛ lo losanganya tshɛ, djekoleko l’etshumanelo ka woke, koko wɛ ekɔ la diaaso dia membaka esambo mbala tshɛ. Kaanga naka wɛ ekɔ lo mbɔsa dia wɛ heye memba, onga l’eshikikelo dia Jehowa ngɛnangɛnaka etena kasalayɛ kɛnɛ tshɛ kakokayɛ nsala! (2Kɔ 8:12) Wɛ koka ndjalɔngɔsɔla lo tekaki esambo akɔ la ngelo.
Ɛnya VIDƐO yele l’ɔtɛ a dui ɔnɛ: Woho watete ɔkɔndɔ aso—Esambo weshasha wa nɛmɔ, Etenyi 1. Oma laasɔ, oka ampokami dimbola nɛ:
L’etatelo k’ɔkɔndɔ w’okongamelo aso wa nshi nyɛ, ngande wakatɛnya dia membɛ Jehowa esambo dia mbotombola ekɔ ohomba?
8. Wekelo wa Bible wa l’etshumanelo
(Min. 30) bt tshap. 9 od. 1-7, mbɔtwɛlɔ k’etenyi 3 ndo kiombo ya lo lk. 70
