Daka dia Paradiso diaya ka suke la soko
Telesharjɛ:
1. Tofudu tekɔ lo memba,
Wange wekɔ lo ntshimba.
W’ekɔ lo takɛndakɛnda
L’ekidi w’akona wa mamba.
W’ekɔ l’ɔlɔ wa mamba,
Anto wayɛ wambolɔ.
Paradiso kakiso
Kaya ka soko diaso.
2. Koko wɛ ekɔ lo mɛna
Mɛtɛ mvudu y’amɛna.
Ndo lushi lekɔ lo nkɛla
Suke la mashinyi w’eponga.
Dikambɔ tshɛ diambɛla
Ndo taya lo dinela.
Tshɛ kakatakongɛka
Kaya ka soko diaso.
(KILALO)
Tɔngɛnɛngɛnɛ la kɛnɛ
Mɛtɛ kakatakongɛka.
Asɔyi tshɛ wamboshila.
Taya lo andja w’oyoyo.
3. Anto tshɛ we’ suke la yɛ
W’ekɔ l’ɔlɔ heyama
Ndo wekɔ lo ngɛnangɛna.
Ɔs’ekɔ dikambo dia mamba.
L’ɔtɛ wa ngandji ka Nzambi,
Mbawokaso losaka.
Tshɛ kakatakongɛka
Kaya ka soko diakiso.
(KILALO)
Ande ɔlɔ le mi ɛlɔ:
“Dia kɛna l’ɔngɛnɔngɛnɔ!”
Dia kokumbatɛ mbakimi
Lo nkongɛ l’ɔngɛnɔngɛnɔ.
4. Tekɔ lo nkonga dia
Dia mɛna ekotshamelo
Ka daka diaki Jehowa
Diendana la andja w’oyoyo.
Ɛtshɔkɔ wɛsɔ tshɛ waya
Mɛtɛ ka soko diami.
Lushi la woke lɔsɔ,
Laya ka soko diaso.