1. Jehowa Nzambi k’ɔlɔlɔ,

Tɔtshɔkɔlaka nshi tshɛ.

Nd’ekɔ ekila nd’ɔlɔlɔ

Lo mboka yakinde tshɛ.

Nde mɛtɛ tokaka kɛtshi

Kaheyama ndo mbuta.

Wɛ mbayotɔtɛmɔlaka

Ndo mbayotokambɛka.

2. Ekambi wakayasɔnɛ

Mɛnyaka ndo vɔ lawɔ

Ɔlɔlɔ wakiyɛ oma

Lo lɔkɛwɔ lakiwɔ.

Ndo lo sambishaka anto

Tshɛ lokumu l’ɔlɔlɔ.

Wetshelo wakiyɛ wekɔ

Lo nt’elowa w’ɔlɔlɔ.

3. Jehowa le, ɔtshɔkɔlɛ

Ɛlɔlɔ wasalɛso

Anangɛso tshɛ wa ngandji

Mbidja nd’akadiyɛso.

Jehowa Nzambi kaso le,

Otosha nyuma kayɛ,

Dia sho monga la shɛngiya

Y’ɔlɔlɔ l’ekamb’ayɛ.