OSAMBO 125
Diɛsɛ le wanɛ wokana kɛtshi
-
1. Nzambi mbokanaka kɛtshi
Nɛ dia Nde ekɔ la kɛtshi.
Wanɛ watsh’awui w’amɛna
Nzambi mbangɛnangɛnaka.
Wanɛ tshɛ wayatshumoya
Nde ayowadimanyiya.
Nde ekɔ la kɛtshi le so;
Lo mbeya dia ditshu mbeso.
-
2. Etena tshɛ kasalaso
Kɔlɔ lo washo wa Shɛso,
Nkumɛso totɛka dia sho
Nɔmba mɛtɛ Nzambi kaso:
‘Dia tokimwɛ abas’aso,
Oko woho wakimwɛso
Ndo sho wanɛ wokoleso.’
Lo ɛnyɛlɔ kaki Yeso.
-
3. Weshasha tshɛ wakimɔso
Mɛnyaka lokaho laso.
Sho hatokimɔ l’oyango
Wa sho nongola lotombo.
Nzambi lɛna tshɛ katshaso,
Mbele ofutshi wakiso.
Wanɛ tshɛ wokana kɛtshi;
Wayokama ndo vɔ kɛtshi.
(Enda ndo lo Mat. 6:2-4, 12-14.)