OSAMBO 55
Tanyowaokake wɔma!
-
1. Ekambi wakimi, nyotshu
Dia nyu tasambishaka,
Losango lasha panda
Aha la mboka wɔma.
Nyewoya anto tshɛ ɔnɛ
Satan’ayolanyema.
Wanɛ tshɛ wanganyiyande
Wayanga la tshungɔma.
(LOKALOYA)
Tanyowawokake wɔma
Kaanga lo dikɔmɔki.
Dimi layonyokokɛka
Oko ɔna sso diami.
-
2. Koyanga mbenyu l’atunyi,
Kaanga mbanyɔtɛngawɔ,
Kaanga mbanyɔlɔshawɔ,
Mbanyɔhɛnyahɛnyawɔ,
Nyu alembe wakimi tshɛ,
Tanyowaokake wɔma!
Dimi layonyɔlwɛla ta
Ko nyayodja otshumba.
(LOKALOYA)
Tanyowawokake wɔma
Kaanga lo dikɔmɔki.
Dimi layonyokokɛka
Oko ɔna sso diami.
-
3. Nzambi kanyu mbanyotela
Diaha nyu mboka wɔma.
Kaanga nyayodiakema,
Nyu mɛtɛ nyayolwama.
Akristo hawoke wanɛ
Wadiak’alemba wɔma,
Kok’Ɔnɛ lakoka ndjaka
Ndo demba ndo anima.
(LOKALOYA)
Tanyowawokake wɔma
Kaanga lo dikɔmɔki.
Dimi layonyokokɛka
Oko ɔna sso diami.
(Enda ndo lo Eoh. 32:10; Nɛh. 4:14; Es. 59:1; 83:2, 3.)
