1. Tohame, tohame dia sho tshɛ ntshunda!

Nzambi nangaka di’osase waso ngamula.

Toyalowanya l’olimu wa panda

Dia Nzambi tɔtshɔkɔla.

Sho tshɛ koka nkamb’olim’akɔ,

Ndo Yeso akayasha lɔkɔ.

Tendɛke le Jehowa diaha sho nkɔ

Tosuk’awui w’ekila.

2. Tohame, tohame dia sho nsambisha

Lokumu la panda nɛ dia tek’esambisha.

Totombole Nzambi kaso Jehowa

Lo nsambish’o mvudu tshɛ.

Kaanga mbatotsh’atunyi wɔma,

Sho hatototshika nsambisha

Diolelo diaki Nzambi Nkumekanga.

Tosambisha anto tshɛ.

 3. Tohame, tohame, toyalowanya.

Olimu wa nkamba wekɔ woho w’anyanya.

Tena tshɛ tɔlɔmbwamake la nyuma.

Tonge l’ɔlɔ wa Nzambi.

Tolang’anto wasambishaso.

Tembolake ambeki waso.

Tonande etema w’anto

wetshaso

Ke’ wonge apandjudi.