OSAMBO 7
Jehowa mbele wolo aso
-
1. Jehowa wɛ mbele wolo waso,
Ndo wɛ mbele Oshimbedi waso.
Awui wayɛ sho mbasambishaka.
Kaanga mbele anto mbatonaka.
(LOKALOYA)
Wɛ wolo waso Ndo dive diaso.
Lokombo layɛ Mbewoyaso.
Nzambi w’ekɔ longele la mamba.
Sho hatotokoka Mboka wɔma.
-
2. Sho nangaka osase wakiyɛ.
Tamboyeya akambo wakiyɛ.
Afundelo tetshak’ɛlɛmb’ayɛ.
Sho sukɛka Diolelo diakiyɛ.
(LOKALOYA)
Wɛ wolo waso Ndo dive diaso.
Lokombo layɛ Mbewoyaso.
Nzambi w’ekɔ longele la mamba.
Sho hatotokoka Mboka wɔma.
-
3. Lolango lɛɛ tɔngɛnyangɛnyaka.
Kaanga mbe’ Satana tɔsɔkaka.
Wɛ Jehowa otoshake wolo
Dia sho ntshikala la kɔlamelo.
(LOKALOYA)
Wɛ wolo waso Ndo dive diaso.
Lokombo layɛ Mbewoyaso.
Nzambi w’ekɔ longele la mamba.
Sho hatotokoka Mboka wɔma.
(Enda ndo lo 2 Sam. 22:3; Os. 18:2; Isa. 43:12.)
