Lam’ambotatɛ ɔnɔnyi wa 2023, sho tshɛ nongamɛka di’awui monga dimɛna le so ndo le nkumbo yaso. Lande na kahombaso monga l’elongamelo di’akambo wayonga amɛna?

 Bible toshaka losango l’ɔlɔlɔ l’ɔnɛ ekakatanu wahomaso laso nshi nyɛ wekɔ wa lo tshanda mɔtshi tsho ndo wayanga nkomɛ keem’edja. Akambo wele lo Bible “wakafundama dia tosha wetshelo, dia oma. . . lo esambelo k’oma lo Afundelo, sho monga la elongamelo.”​—Rɔmɔ 15:4.

•    Dia mbeya awui efula wendana la kɛnɛ kalaka Bible, adia sawo diele l’ɔtɛ a dui ɔnɛ: “Une espérance réelle pour des jours meilleurs.”

 Elongamelo kasha Bible koka monga oko “longo la masuwa le nsɛnɔ yaso.” (Hɛbɛru 6:19, nɔtɛ) Elongamelo kɛsɔ koka tokimanyiya. Tɔ koka tokimanyiya dia ndɔshana l’ekakatanu wahomana laso ɛlɔ kɛnɛ, dia mɛna akambo la sso di’ɔlɔlɔ ndo dia ntana ɔngɛnɔngɛnɔ wa mɛtɛ. Ɛnyɛlɔ:

•    Enda woho wakakimanyiya elongamelo kele lo Bible pami kɛmɔtshi kaki mfumbe ka didjoyadjoya. Enda vidɛo yele l’ɔtɛ a dui ɔnɛ: Lakayohetshaka yoho yami ya lɔsɛnɔ.

•    Enda woho wakoka elongamelo kele lo Bible tokimanyiya etena kavushaso lakiso la ngandji. Enda vidɛo yele l’ɔtɛ a dui ɔnɛ: Esambelo le wanɛ wambovusha lakiwɔ la ngandji.

 Anto efula nongamɛka di’awui w’ɛlɔlɔ mbakomɛ, koko ndooko lele l’eshikikelo di’elongamelo kawɔ kayokotshama. Kɛnɛ kalaka Bible ntshikitana. Lande na? Nɛ dia alaka wele lo Bible ndja oma le Jehowa Nzambi a ɔnɛ “lahakoke mbuta kashi.” (Tito 1:2) Paka Jehowa oto mbele l’akoka wa nkotsha kɛnɛ kalakande; nde koka nsala “kɛnɛ tshɛ kangɛnangɛnande nsala.”​​—Osambo 135:5, 6.

 Tambokɔlɔmba dia wɛ nkondja wahɔ oma l’elongamelo k’oshika kasha Bible. Wɛ koka keketsha wɛkamu ayɛ l’elongamelo kakɔ lo ‘sɛdingolaka Afundelo la yambalo tshɛ.’ (Etsha 17:11) Etawɔ nsala dui sɔ lo mbetawɔ dia sho mbeka layɛ Bible ofele. Tatɛ ɔnɔnyi wa 2023 lo monga l’elongamelo dia nshi yayaye yayonga amɛna!