Olui wa dengalenga wekɔ lo nsala awui wa kɔlɔ efula lo wodja wa Haïti. Anto efula wa lo wodja w’Afrique du sud, Mexique ndo wa lo wedja ekina wa l’Amerique latine, wekɔ lo nsowa efula l’ɔtɛ w’awui wa kɔlɔ wasala dengalenga. Kaanga l’ahole wele awui wa ngala waya bu efula, alapɔlɔ w’awui wa kɔlɔ wasalema konyaka anto dia ndjaoka dia vɔ bu l’ekokelo ndo vɔ mongaka la lonyangu.

 Kakɔna kata Bible lo woho wahayɔlɛmiya anto efula ɛlɛmbɛ l’andja w’otondo?

 Bible kakatatshi dia ɛɔnywɛlɔ k’ɛlɛmbɛ kayonga ndjembetelo ya “etena k’ekomelo ka dikongɛ di’akambo.” (Mateo 24:3) Etena kakandalembetshiya awui wayosalema l’etena kɛsɔ, Yeso akate ate:

•   “Lam’ele ɛɔnywɛlɔ k’ɛlɛmbɛ kayofula, ngandji k’anto efula kayɔla.”​—Mateo 24:12.

 Bible kakatewoyisha dia “lo nshi y’ekomelo” anto wayonga “aha la ndjakimɛ, akanga w’ekonda, waha la ngandji k’akambo w’ɛlɔlɔ.” (2 Timɔte 3:1-5) Waonga wa kɔlɔ anɛ wambokonya anto wa nshi nyɛ dia mɔnyɔla ɛlɛmbɛ.

 Koko, tekɔ l’ɔkɔkɔ wa monga l’elongamelo. Bible ndakaka dia keem’edja, anto tshɛ wa la nkɛtɛ wayɔlɛnyaka ɛlɛmbɛ.

•   “Etena ka tshitshɛ keto kambotshikala, ko kanga kɔlɔ hatonga nto; wɛ ayoshishima lo dihole diande, ko nde hatonga nto. Koko akanga wa memakana wayokita nkɛtɛ, ndo vɔ wayɔngɛnangɛnaka heyama la wɔladi w’efula.”​—Osambo 37:10, 11.

 Eka awui efula lo kɛnɛ kendana la losango l’elongamelo lele lo Bible ndo lande na kakokayɛ monga l’eshikikelo di’akambo weta nshi nyɛ kotshaka prɔfɛsiya ya lo Bible. Wɛ mbeyaka mbadia asawo wayela anɛ.

 “Une espérance réelle pour des jours meilleurs”

 “Awui wɛnya dia tekɔ lo nsɛna lo “nshi y’ekomelo,” kana “etena k’ekomelo”?”

 “La Bible a-t-elle prédit la mentalité et la conduite des gens de notre époque ?”