Onde awui wa dengalenga wayoshila lushi lɔmɔtshi?
L’ɔkɔngɔ wa dui dimɔtshi dia kɔlɔ efula salema, anto tayombolaka ɔnɛ: “Onde Nzambi Nzambi ndjakiyanyaka dikambo di’anto? Lande na katomba awui wa nganɛ? Onde awui wa dengalenga a wayoshila lushi lɔmɔtshi? Bible mbishaka ekadimwelo wetawoya lo ambola asɔ.
Ngande wɔsa Nzambi awui wa dengalenga?
Nzambi mpetshaka awui wa ngala ndo wa dengalenga. (Osambo 11:5; Tokedi 6:16, 17) Ndo Yeso, lele Onyimpala wa Nzambi akahangwɛ ambeki ande etena kakawayakimɔ l’awui wa ngala. (Mateo 26:50-52) Anto amɔtshi mbutaka dia vɔ salaka awui wa kɔlɔ asɔ lo lokombo la Nzambi, etena kele Nzambi hetawɔ kɛnɛ kasalawɔ. Lo mɛtɛ, nde hetawɔ alɔmbɛlɔ awɔ.—Isaya 1:15.
Nzambi ndjakiyanyaka dikambo di’anto tshɛ wasowa, mbidja ndo wanɛ wahomana l’awui wa dengalenga. (Osambo 31:7; 1 Petero 5:7) Bible mɛnyaka nto dia Nzambi ayekɛ lonya dia nkomiya awui wa ngala.—Isaya 60:18.
Kɛnɛ kele lo kiɔkɔ y’awui wa dengalenga
Bible mɛnyaka kɛnɛ kele lo kiɔkɔ y’awui wa dengalenga lo mbuta ɔnɛ: ‘Onto mbolɛka wonyande dia mbosoya.’ (Ondaki 8:9) Oma ko mɔmbɔkɔmbɔla, anto wele la yema ya lowandji wekɔ lo nsɔkisha tombolambola. Lo wedi okina, akina kambaka l’awui wa dengalenga dia nsɔmbɔya wanɛ wahɛnyɔla.—Ondaki 7:7.
Ekomelo k’awui wa dengalenga
Nzambi ndakaka dia minya awui washa wɔma ndo wa ngala ndo dia mbidja wɔladi l’andja w’otondo. (Isaya 32:18; Mika 4:3, 4) Awui wayondosala vɔ anɛ:
Nde ayonya kiɔkɔ y’awui wa dengalenga. Nzambi ayɔhɛnya ɛlɔmbwɛlɔ k’ana w’anto la lowandji lakinde layolɛ andja w’otondo. Ɔnɔmbɔdi wa lowandji lɔsɔ Yeso Kristo, ayosalɛ ambolami ande tshɛ awui wa losembwe ndo nde ayonya dihɛnyɔki ndo awui wa ngala. (Osambo 72:2, 14) L’etena kɛsɔ, ndooko onto layoyakimɔ l’awui wa ngala nto. Anto wayonga la “wɔladi w’efula.”—Osambo 37:10, 11.
Nde ayɔkɔnɔla anto oma l’etombelo w’awui wa dengalenga. Nzambi ayɔkɔnɔla anto oma l’etombelo tshɛ wendana l’awui wa dengalenga, oyadi etombelo wa lo demba kana wa lo yimba. (Isaya 65:17; Ɛnyɛlɔ 21:3, 4) Nde ndakaka dia mbolola wanɛ wakavu dia vɔ ndjɔsɛna lo nkɛtɛ koludi la wɔladi.—Isaya 5:28, 29.
Bible toshaka ɛkɔkɔ wa mbetawɔ dia Nzambi ayanga mbɔsa tɛdikɔ keem’edja. Mbala mɔtshi wɛ ekɔ lo ndjambola wate: “Lande na kahatakomiya Nzambi awui wa dengalenga?” Dia nkondja okadimwelo, enda vidɛo yele l’ɔtɛ a dui ɔnɛ: Lande na katshika Nzambi asui?
a Tshɛkɛta “awui wa dengalenga,” nembetshiyaka nkamba l’awui wa ngala, djekoleko otsha le anto k’anto, dia mbaotsha wɔma ndo dia nkotsha eyango wa pɔlitikɛ, eyango wendana l’awui w’ɔtɛmwɛlɔ kana wa lo tshunda. Aha onto tshɛ mbasanga lolimi lo kɛnɛ kendana la mbɔsa tshelo mɔtshi dia yekɔ dui di’elengalenga.
Enda ndo lo...
EKADIMWELO LO AMBOLA W’OMA LO BIBLE
Diolelo diaki Nzambi kɛdikɛdi na?
Dja yimba l’ɛkɔkɔ wele Diolelo diaki Nzambi ndeka mandji kina tshɛ.
TSHOTO Y'ETANGELO
Kakɔna kayosala Diolelo diaki Nzambi?
Yeso akeyaka dia paka Diolelo dia Nzambi mbele tshɔi ya lowandji lakoka nkandola ekakatanu wa la nkɛtɛ. Kakɔna kamboshila Diolelo sɔ nsala dia sho monga l’eshikikelo?
