Bible kekɔ la lomba loleki tshɛ ohomba lo lɔsɛnɔ. Naka wɛ kadiaka, kanaka la tɔ yimba mbala la mbala ndo kambaka la kɛnɛ kekayɛ, kete ‘wɛ ayotondoya mboka kayɛ.’ (Jashua 1:8; Osambo 1:1-3) Wɛ ayeya Jehowa ndo Ɔnande, Yeso ndo ewo kɛsɔ koka kokonya lo panda.​—Joani 17:3.

Lo ɔnɔngɔ wa ngande wayoyadia abuku wa lo Bible? Wɛ mbahomba nsala ɔsɔnwɛlɔ. Ekongelo ka wadielo wa Bible kɛnɛ kayokokimanyiya dia mbadia abuku wa Bible lo ndjela woho wɔlɔngamiwɔ kana lo ndjela weho w’abuku wewɔ. Ɛnyɛlɔ, wɛ koka mbadia tenyi diamboyɔsɔna dia mbeya ɛkɔndɔ wendana la woho wakasalɛka Nzambi Isariyɛlɛ w’edjedja akambo. Wɛ koka mbadia tenyi dikina dia woho wakantatɛ ndo wakahame etshumanelo k’Akristo ka lo ntambe kantondo. Naka wɛ mbadiaka tshapita ɔtɔi lushi tshɛ, kete wɛ ayoshidiya mbadia Bible l’ɔkɔngɔ w’ɔnɔnyi ɔtɔi.

Oyadi wɛ ekɔ lo nyanga ekongelo ka wadielo wa Bible wa lushi lushi, ekongelo ka wadielo wa Bible k’ɔnɔnyi otondo, ekongelo ka wadielo wa Bible kendana l’anto wambotatɛ nsala dui sɔ, ekongelo kɛnɛ kayokokimanyiya. Telesharjɛ ekongelo ka wadielo wa Bible ka l’akatshi, ndo ntatɛ la wadielo ayɛ ɛlɔ.