Yeso mbeyaka asui waya oma lo awui wa ngala la wa wɛngiya. Wakate awui wa kashi lo dikambo diande, wakɔkɔmɔla lo yoho ya kɔlɔ, wakosandja lo yoho yaha la losembwe, wakawɔsɛ tɛdikɔ ta kɔlɔ ndo wakodiake nyɔi ka l’esehe. Kaanga mbakinde aha la onongo, nde akakimɔ “lɔsɛnɔ lande oko oshinga w’etshungwelo dikambo di’anto efula.” (Mateo 20:28; Joani 15:13) Kakiyanɛ, oko wayande Nkumekanga ka Diolelo diaki Nzambi, nde ayela losembwe lo nkɛtɛ k’otondo ndo ayokomiya awui wa ngala tshɛ lo tshɛ.—Isaya 42:3.

 Bible mɛnyaka woho wayonga lɔsɛnɔ l’andja w’otondo lo ɛlɔmbwɛlɔ ka Yeso lo mbuta ɔnɛ:

•   “Etena ka tshitshɛ keto kambotshikala, ko kanga kɔlɔ hatonga nto; wɛ ayoshishima lo dihole diande, ko nde hatonga nto. Koko akanga wa memakana wayokita nkɛtɛ, ndo vɔ wayɔngɛnangɛnaka heyama la wɔladi w’efula.”—Osambo 37:10, 11.

 Ngande wakokaso mɛnya lowando laso lo kɛnɛ kakasale Yeso ndo kayondosala lo dikambo diaso? Oko wadiɛnya Luka 22:19, Yeso akatɛ ambeki ande dia vɔ mbohɔka nyɔi kande. Diakɔ diele, ɔnɔnyi tshɛ, Ɛmɛnyi wa Jehowa sanganaka kaamɛ dia nsala eohwelo ka nyɔi ka Yeso. Tambokelɛ dia wɛ monga kaamɛ laso lo eohwelo ka nyɔi ka Yeso kayosalema Lushi la lomingu, Ngɔndɔ ka sato 24, 2024.

Tana dihole diayosalema eohwelo